Joǵary Eýrazııalyq ekonomıkalyq keńestiń kelesi otyrysy Astanada ótedi

ASTANA. KAZINFORM — Prezıdent Joǵary Eýrazııalyq ekonomıkalyq keńestiń kelesi otyrysy 28-29 mamyrda Astanada ótetinin jetkizdi, dep habarlaıdy Aqorda.

Qasym-Jomart Toqaev sózin qorytyndylaı kele, memleketter aldynda salmaqty sheshim men úılesimdi áreketti talap etetin kúrdeli mindetter turǵanyna nazar aýdardy.

Prezıdent kelesi jyly Eýrazııalyq ekonomıkalyq odaq organdaryna tóraǵalyq etý mıssııasy Qazaqstan Respýblıkasyna ótetinin eske saldy. Memleket basshysy elimiz jańa tabysqa qol jetkizip, birlestik elderiniń ıgiligin eseleý úshin nátıjeli jumys júrgizýge nıetti ekenin jetkizdi.

Prezıdent Joǵary Eýrazııalyq ekonomıkalyq keńestiń kelesi otyrysy 28-29 mamyrda Astanada ótetinin jetkizdi.

Qasym-Jomart Toqaev uıym tóraǵasy mindetin tabysty atqarǵany úshin Belarýs Respýblıkasynyń Prezıdenti Aleksandr Lýkashenkoǵa alǵys aıtty.

Jıyn qorytyndysy boıynsha birqatar qujat qabyldandy.

Sammıtke Reseı Federatsııasynyń Prezıdenti Vladımır Pýtın, Belarýs Respýblıkasynyń Prezıdenti Aleksandr Lýkashenko, Armenııa Premer-mınıstri Nıkol Pashınıan, Qyrǵyz Respýblıkasynyń Prezıdenti Sadyr Japarov, Ózbekstan Respýblıkasynyń Prezıdenti Shavkat Mırzıeev, sondaı-aq Indonezııanyń, Irannyń jáne Kýbanyń ókilderi qatysty. 

Aıta ketsek, Prezıdent Qasym-Jomart Toqaev Joǵary Eýrazııalyq ekonomıkalyq keńestiń otyrysynda jasandy ıntellekt tehnologııasyn EAEO qyzmetine engizýdi usyndy.