Joǵary deńgeıdegi klasterlerdi qurý nátıjesinde 26 myń jumys orny ashylady
ASTANA. KAZINFORM – Memlekettik saıasat ártaraptandyrý jáne básekege qabilettilikti arttyrý esebinen ekonomıkanyń turaqty ári teńgerimdi ósimin qamtamasyz etýge baǵyttalǵan. Bul baǵyttyń mańyzdy elementteriniń biri – joǵary ónimdi jáne eksportqa baǵyttalǵan óńdeý ónerkásibin damytý.
Búgingi tańda Úkimet ınvestıtsııa kólemi 15 trln teńgeden asatyn 17 iri jobanyń tizbesin bekitti. Olardy júzege asyrý birqatar mańyzdy ekonomıkalyq nátıje beredi dep kútilýde:
-
ystyq brıkettelgen temirdi qaıta óńdeý arqyly bolat quıý óndirisin 100% shıkizat bazasymen qamtamasyz etý (2 mln tonnaǵa deıin);
-
jańa óndiris ornyn ashý jáne qoldanystaǵy óndiristi jańǵyrtý, bul bolat óndirisin jylyna 3 mln tonnadan 6 mln tonnaǵa deıin ulǵaıtýǵa múmkindik beredi;
-
munaı óńdeý kólemin jylyna 18 mln tonnadan 24 mln tonnaǵa deıin arttyrý jáne munaı ónimderin óndirýdi jylyna 13,4 mln tonnadan 19 mln tonnaǵa deıin ulǵaıtý úshin munaı óńdeý qýattaryn jańǵyrtý;
-
ımportty almastyrý sheńberinde kalıı tyńaıtqyshtaryn óndirý (tolyq óndiristik qýaty iske qosylǵan kezde – jylyna 6 mln tonna);
-
jylyna 1 250 myń tonnaǵa jýyq polıetılen óndirisin iske qosý, bul ishki suranysty qanaǵattandyrýǵa jáne logıstıka, saýda, azyq-túlik ónerkásibi, mashına jasaý, qurylys pen áskerı-ónerkásiptik keshen salalarynda eksportty qoldaýǵa múmkindik beredi;
-
jylyna shamamen 735 myń tonna polıetılentereftalat óndirý, bul ishki suranysty jabady jáne eksportty qamtamasyz etedi (ishki suranys – 77,4 myń tonna, eksport – 657,6 myń tonna);
-
hımııa ónerkásibi óndirisin ártaraptandyrý úshin jylyna 577 myń tonnaǵa jýyq karbamıdtiń jańa ónimin shyǵarý;
-
eki zaýytta jylyna 160 myń avtokólik shyǵarý arqyly avtomobıl óndirisin lokalızatsııalaýdy 10%-dan 50%-ǵa deıin arttyrý;
-
týrızmdi klasterlik damytý (saýda, kólik jáne qyzmetter), bul iskerlik jáne ınvestıtsııalyq qyzmetti yntalandyrýǵa jol ashady;
-
qosylǵan quny joǵary azyq-túlik ónerkásibi ónimderiniń eksportyn ulǵaıtý (óndiris: 352 myń tonna jelimtek, 110 myń tonna krahmal, 30 myń tonna glıýkoza, 45 myń tonna frýktoza).
Atalǵan jobalardy iske asyrýdyń nátıjesinde 26 myńnan astam jańa jumys orny ashylady, eksport 6 trln teńgege artady jáne 1,5 trln teńgeden astam somaǵa ımport almastyrylady. Sondaı-aq bul sharalar joǵary tehnologııalyq óndiristerdi qurýǵa, jergilikti kadrlardyń biliktiligin arttyrýǵa jáne otandyq óndirýshilermen offteık-kelisimsharttar jasasýǵa yqpal etedi.
