Joǵary bilim mınıstri UBT-da 1 ball jınaǵan túlekke qatysty pikir aıtty
ASTANA. KAZINFORM — Ǵylym jáne joǵary bilim mınıstri Saıasat Nurbek UBT-da 1 ball alǵan túlekke qatysty pikir aıtty.
Mınıstrdiń aıtýynsha, bul talapker eki ret UBT tapsyrǵan. Birinshisinde 94 upaı jınasa, ekinshi áreketinde ol testileý ortalyǵynda týra 4 mınýt otyryp, shyǵyp ketken.
«Bul onyń aldyn ala josparlaǵan áreketi, aktsııasy bolsa kerek. Bıylǵy 188 myń mektep túlegi UBT-ny joǵary bilim alý múmkindigi men qarjylandyrýdyń negizgi quraly dep sanap, baq synady. Meniń oıymsha, bul jaǵdaı – bir adamnyń ózin sonshalyqty standartty emes adam ekenin kórsetýge tyrysqan aktsııasy. Osy is-qımyldy basqalarǵa úlgi bolarlyq dep sanamaımyn. Óıtkeni myńdaǵan azamat ómirdegi josparlaryn júzege asyrý úshin memleketten grant pen múmkindik alyp, joǵary bilim alýǵa talpynyp jatyr», - dedi S.Nurbek Úkimet otyrysynan keıin tilshiler suraǵyna jaýap bere otyryp.
Eske salsaq, jaqynda UBT-dan 1 ball jınaǵan Erasyl Ýálıev Túrkııanyń 10 ýnıversıtetinen shaqyrtý alǵanyn jazǵan edik.
