Joǵary aýdıtorlyq palatasynyń tóraǵasy Natalıa Godýnova qyzmetinen bosatyldy

ASTANA. KAZINFORM – Memleket basshysynyń Jarlyǵymen Natalıa Godýnova Joǵary aýdıtorlyq palatasynyń tóraǵasy laýazymynan bosatyldy.

«Memleket basshysynyń Jarlyǵymen Natalıa Nıkolaevna Godýnova Qazaqstan Respýblıkasy Joǵary aýdıtorlyq palatasynyń Tóraǵasy laýazymynan bosatyldy», - dep jazylǵan Aqorda habarlamasynda.

Natalıa Nıkolaevna Godýnova 1972 jyly 24 mamyrda Oral qalasynda týǵan.

Batys Qazaqstan aýyl sharýashylyǵy ınstıtýtyn (ekonomıst mamandyǵy boıynsha), Reseı Federatsııasy Úkimetiniń janyndaǵy Qarjy akademııasyn bitirgen.

Ekonomıka ǵylymdarynyń kandıdaty.

Eńbek jolyn 1993 jyly «Oral» agroónerkásipbankte» ekonomıst bolyp bastaǵan.

1997-2005 jyldary Batys Qazaqstan aýmaqtyq memlekettik múlikti jáne aktıvterdi basqarý komıtetiniń jetekshi mamany, bólim bastyǵy, Batys Qazaqstan oblysy ákimi apparatynyń bólim meńgerýshisi, Batys Qazaqstan oblysy Ekonomıka jáne bıýdjettik josparlaý departamentiniń dırektory bolyp jumys istegen.

2005-2006 jyldary – Qazaqstan Respýblıkasynyń Reseı Federatsııasyndaǵy Saýda ókildiginde keńesshi-ekonomıst.

2006-2009 jyldary Mańǵystaý oblysy ákiminiń keńesshisi qyzmetin atqarǵan.

2009-2011 jyldary – Qazaqstan Respýblıkasynyń Reseı Federatsııasyndaǵy Saýda ókildiginiń konsýltanty, orynbasary, mindetin atqarýshy.

2012-2013 jyldary – Qazaqstan Respýblıkasynyń Premer-Mınıstri orynbasarynyń keńesshisi.

2013-2015 jyldary Qyzylorda oblysy ákiminiń orynbasary qyzmetin atqardy, ekonomıka, qarjy jáne jumyspen qamtý máselelerine jetekshilik etti.

2015-2017 jyldary – «Nur Otan» partııasynyń hatshysy, «Nur Otan» partııasynyń Saıası keńesi bıýrosynyń múshesi.

2017 jylǵy jeltoqsannan bastap – Qazaqstan Respýblıkasy Ortalyq saılaý komıssııasynyń múshesi.

2018 jylǵy aqpannan bastap – Respýblıkalyq bıýdjettiń atqarylýyn baqylaý jónindegi esep komıtetiniń Tóraıymy.

Qazaqstan Respýblıkasy Prezıdentiniń 2022 jylǵy 28 qarashadaǵy № 9 Jarlyǵymen Qazaqstan Respýblıkasy Joǵary aýdıtorlyq palatasynyń Tóraǵasy bolyp taǵaıyndaldy.

Qazaqstan Respýblıkasynyń Qurmet gramotasymen (2008 j.), «Qurmet» (2016 j.), «Parasat» (2021 j.) ordenderimen jáne merekelik medaldarmen marapattalǵan.