Joǵary aýdıtorlyq palata jer kodeksindegi qaıshylyqty joıdy
ASTANA. KAZINFORM — Qazaqstan Respýblıkasy Joǵary aýdıtorlyq palatasynyń usynymy negizinde Úkimet Jer kodeksindegi qaıshylyqtardy joıý boıynsha sharalar qabyldady. Bul týraly palatynyń baspasóz qyzmeti málim etti.
Buǵan deıin Joǵary aýdıtorlyq palata jer resýrstaryn basqarý tıimdiligine memlekettik aýdıt júrgizdi. Tekserý barysynda olardyń paıdalanylýy, qorǵalýy, sondaı-aq geodezııa jáne kartografııa máseleleri qaraldy. Nátıjesinde Jer kodeksinde mynadaı qaıshylyq anyqtaldy:
– 14-1-bapta jergilikti atqarýshy organdarǵa JEK nysandaryn, ındýstrııalyq-ınnovatsııalyq jobalardy jáne basym ınvestjobalardy salýǵa jer berý jóninde usynystar men sheshimder jobalaryn daıyndaý ókilettigi berilgen;
– al 16-bapta bul ókilettik olardyń quzyretinen alyp tastalǵan.
Osy qaıshylyqty joıý úshin Joǵary aýdıtorlyq palata Úkimetke zańnamaǵa tıisti ózgerister engizýdi usyndy.
Sonyń nátıjesinde 2025 jylǵy 17 shildede «Qazaqstan Respýblıkasynyń keıbir zańnamalyq aktilerine astanany jáne respýblıkalyq mańyzy bar qalalardy, ulttyq jobalardy damytý, kásipkerlik jáne memlekettik organdardyń fýnktsııalaryn ońtaılandyrý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy qabyldandy.
Jer kodeksiniń 14-1-babynan oblystyq ákimdikterdiń JEK nysandary, ındýstrııalyq-ınnovatsııalyq jáne basym ınvestjobalarǵa jer bólý jóninde usynystar men sheshimder jobalaryn daıyndaý ókilettigi (Kásipkerlik kodeksine sáıkes) alynyp tastaldy.
Eske sala keteıik, buǵan deıin Joǵary aýdıtorlyq palata ǵylymdy damytý salasynda 42,5 mlrd teńge tıimsiz paıdalanylǵanǵanyn málim etken edi.