Joǵary aýdıtorlyq palata múshesiniń ókilettigi merziminen buryn toqtatyldy
ASTANA. KAZINFORM – Búgin Májilistiń jalpy otyrysynda QR Joǵary aýdıtorlyq palatasynyń múshesi Mıhaıl Bortnıktiń ókilettigin merziminen buryn toqtatty.
«M. Bortnık Joǵary aýdıtorlyq palatanyń múshesi retinde Parlament Májilisiniń qaýlysymen 2022 jyldyń qarashasynda taǵaıyndaldy. Qazaqstan Prezıdentiniń Jarlyǵymen bıylǵy 7 qarashada ol Ortalyq saılaý komıssııasynyń múshesi boldy. Osyǵan oraı Joǵary aýdıtorlyq palatasynyń múshesi Mıhaıl Bortnıktiń ókilettigin merziminen buryn toqtatý usynysy engizildi», - dedi Májilistiń Qarjy jáne bıýdjet komıtetiniń tóraıymy Tatıana Saveleva.
Otyrys barysynda palata depýtattary bul usynysty qoldady.
Mıhaıl Mıhaılovıch Bortnık 1960 jyly dúnıege kelgen. 1982 jyly Pavlodar ındýstrııaldy ınstıtýtyn, 2002 jyly Ortalyq Azııa ýnıversıtetin támamdaǵan. Ónerkásiptik jylý energetıka ınjeneri, zańger.
1982-1998 jyldary Aqtaý qalasynda tehnıkalyq qural-jabdyq jóndeý masteri. 1998-1999 jyldary Aqtaý qalasy ákiminiń orynbasary qyzmetin atqarǵan. 1999-2008 jyldary Mańǵystaý oblysy ákiminiń orynbasary.
Biraz jyl Parlament Senatynyń depýtaty qyzmetin atqarǵan. 2020 jylǵy qyrkúıekten bastap Respýblıkalyq bıýdjettiń atqarylýyn baqylaý jónindegi Esep komıtetiniń múshesi qyzmetin atqaryp keldi.
Al 2022 jyly QR Joǵary aýdıtorlyq palatasynyń múshesi qyzmetine kiristi.
Budan buryn habarlaǵandaı, jaqynda Memleket basshysynyń Jarlyqtarymen Azamat Aımankýmov pen Mıhaıl Bortnık Ortalyq saılaý komıssııasynyń múshesi boldy.
