Joǵary aýdıtorlyq palata: Qazaqstannyń bıýdjet tapshylyǵy 10 jylda bolmaǵan absolıýttik mánge jetti
ASTANA. KAZINFORM — Joǵary aýdıtorlyq palata múshesi Nurlan Nurjanov byltyr Qazaqstannyń bıýdjet tapshylyǵy 10 jylda bolmaǵan absolıýttik mánge jetkenin aıtty.
— 2024 jyly respýblıkalyq bıýdjettiń naqty tapshylyǵy bastapqy jyl qorytyndysynan asyp 3,6 trln teńge nemese JІÓ-niń 2,7 paıyzyn qurady. 2024 jyly respýblıkalyq bıýdjettiń munaıǵa qatysty emes tapshylyǵy bastapqy jospardan edáýir aýytqyp, jyl qorytyndysy boıynsha 10,8 trln teńge boldy. Bul 10 jyldaǵy eń úlken absolıýttik mólsher bolyp otyr, — dedi ol Májiliste ótip jatqan otyrysta.
Úkimettiń jospary boıynsha munaıǵa qatysty emes bıýdjet tapshylyǵy jyl saıyn azaıa túsý kerek edi.
— Bul memlekettik qarjyny basqarý tujyrymdamasynyń 2030 jylǵa qaraı munaıǵa qatysty emes bıýdjet tapshylyǵyn 5 paıyzǵa deıin tómendetý maqsatyn oryndalatynyna kúmán týdyryp otyr, — dedi ol.
Eske salsaq, ótken aptada EAEO men Iran arasyndaǵy erkin saýda týraly kelisim kúshine engen bolatyn.