Joǵary aýdıtorlyq palata eldegi eki iri qordy tekseredi

ASTANA. KAZINFORM — Joǵary aýdıtorlyq palatanyń tóraǵasy Álıhan Smaıylov keler jyly tekserýmen qamtylatyn qorlarǵa qatysty túsinik berdi. 

— Bizde bıýdjetten tys qordyń sany 18-ge jetken. Onyń negizgileri — Ulttyq qor, Biryńǵaı jınaqtaýshy zeınetaqy qory, Memlekettik áleýmettik saqtandyrý qory, Medıtsınalyq saqtandyrý qory, sondaı-aq Qarjy mınıstrligindegi eki qor (Arnaýly memlekettik qor, Zardap shegýshilerge ótemaqy tóleý qory). Byltyr Medıtsınalyq saqtandyrý qoryn tekserdik jáne sol aýdıttiń qorytyndysy jarııalandy. Bıyl BJZQ men Memlekettik áleýmettik saqtandyrý qoryn tekserdik. 2026 jyly Qarjy mınıstrliginiń janyndaǵy eki qordy teksermekpiz, — dedi Álıhan Smaıylov Májilistiń jalpy otyrysynan keıin tilshiler suraǵyna jaýap bere otyryp.

Onyń aıtýynsha, jaqyn arada bıýdjetten tys qorlarǵa qatysty tıimdi aýdıtti júrgizý úshin arnaıy ádisnamalyq nusqama daıyndalady.

Budan buryn habarlanǵandaı, búgin Májiliste Joǵary aýdıtorlyq palatanyń tóraǵasy jeke kásipkerlik sýbektilerine memlekettik qoldaý sharalaryn kórsetý tıimdiligine júrgiziletin memlekettik aýdıt boıynsha esepti jarııalady. 

Aıta keteıik, qaıyrymdylyq qorlarynyń ashyqtyǵyn qamtamasyz etý úshin biryńǵaı aqparattyq resýrs qurylady.