Joǵarǵy sottyń sýdıasy sot oryndaýshylarynyń áleýmettik jelilerdi paıdalaný sebebin túsindirdi

ASTANA. QazAqparat - Joǵarǵy sot tóreshisi Elena Maksıýta sot oryndaýshylarynyń ne sebepti áleýmettik jelilerden akkaýnt ashatyndyǵynyń sebebin túsindirdi, dep habarlaıdy «QazAqparat» HAA tilshisi.

«Sottardaǵy aqparattyq jumystar sottardyń BAQ-men ózara árekettestik tujyrymdamasyna sáıkes júrgiziledi. Ol keshendi jumystardyń júrgizilýine, ınternet jáne áleýmettik jelilerde jazylǵan synǵa jedel jaýap qaıtarý maqsatyna baǵyttalǵan. Barlyq sottarda BAQ-men ózara árekettestik boıynsha úılestirýshi sot oryndaýshylary bar. Olar osy baǵytta aýqymdy jumystar atqaryp turady, ondaǵy basty maqsat - qoǵamdy sot jumystarymen tanystyrý», - dep jazdy Elena Maksıýta Feısbýktegi paraqshasynda.

Onyń aıtýynsha, búgingi tańda aqparattyń basym bóligi ınternet arqyly taralady. Sol sebepti sýdıalar sot tóreliginen basqa, ózderiniń akkaýnttary arqyly ınternet paıdalanýshylary arasynda aýqymdy túsindirý jumystaryn da júrgizedi.

«Muny durys emes deıtinderdi túsine almaımyn. Menińshe kerisinshe, kóptegen máseleler sheshiletin sııaqty. Máselen, biz jazylǵan pikirlerge jaýap berip qana qoımaı, mańyzdy aqparattarmen, isti qaraý tájirıbemizben bólisip, sot kabınetiniń jumysy jáne «Taldaý» forýmy jaıly aıtamyz», - dep túsindirdi Elena Maksıýta.