Joǵarǵy sottyń sýdıasy laýazymyna taǵaıyndalatyn kandıdattardyń tizimderi jarııalandy
ASTANA. 24 sáýir. QazAqparat - Joǵarǵy sot tóraǵasy «Qazaqstan Respýblıkasynyń sot júıesi men sýdıa mártebesi týraly» Konstıtýtsııalyq zańynyń 20-baby, 2-nshi tarmaǵynyń 2-nshi tarmaqshasyna sáıkes,
Joǵarǵy sottyń plenarlyq májilisiniń qaraýyna Joǵarǵy sottyń bos turǵan sýdıa laýazymyna tómendegi azamattardy taǵaıyndaý týraly usynysyn engizdi, dep habarlady Joǵarǵy sottyń baspasóz qyzmetinen.
Baspasóz málimetine sáıkes, Joǵarǵy sottyń sýdıasy qyzmetine:
Mańǵystaý oblystyq prokýrorynyń orynbasary - Jańylsyn Arqarovany;
Qaraǵandy oblystyq sotynyń sýdıasy - Janna Volokovany;
Qazaqstan Respýblıkasy Joǵarǵy soty janyndaǵy Sot qyzmetin qamtamasyz etý departamentiniń bastyǵy Baýyrjan Jumaǵulovty;
Shyǵys Qazaqstan oblystyq sotynyń sýdıasy Asqarjan Kenjeǵarındi;
Qostanaı oblystyq sotynyń tóraǵasy Baǵlan Maqulbekovty;
Astana qalalyq sotynyń sýdıasy Tóleýhan Nuǵymanovty;
Astana qalalyq sotynyń sýdıasy Aıgúl Saparovany;
Pavlodar oblystyq Sot alqasynyń tóraıymy Gúlnár Rysbekovany;
Jambyl oblystyq sotynyń Kassatsııalyq sot alqasynyń tóraǵasy Asqar Smaıylovty;
Ońtústik Qazaqstan oblystyq sotynyń sýdıasy Láılá Tákishevany;
Qostanaı oblystyq sotynyń Appelıatsııalyq sot alqasynyń tóraǵasy Vladımır Shakýndy taǵaıyndaý usynylyp otyr.
Atalǵan kandıdattarǵa qatysty málimetterdiń ashyqtyǵy men jarııalylyǵyn qamtamasyz etý maqsatynda, olar jóninde qandaı da bir málimetterdi berem deýshiler Joǵarǵy sottyń www.supcourt.kz saıtyna jaza alady. Bolmasa Astana qalasy, D.Qonaev kóshesi, 39 mekenjaıy (010000 ındeksi) boıynsha habarlasýǵa bolady.
