Joǵarǵy sottyń sýdıalary #BizBirgemiz chellendjine qatysty

NUR-SULTAN. QazAqparat - Joǵarǵy sottyń sýdıalary men apparat qyzmetkerleri #BizBirgemiz chellendji boıynsha Joǵarǵy sot organy ǵımaratynyń aýmaǵyn tazalaýǵa shyqty, dep habarlaıdy QazAqparat vedomstvo saıtyna silteme jasap.

«Qarly borandy elordany ǵana emes, sonymen qatar basqa da óńirlerdi qamtydy. Sondyqtan estafetany Qazaqstan Respýblıkasynyń Sybaılas jemqorlyqqa qarsy is-qımyl agenttigimen qatar, Qaraǵandy oblystyq sotyna da joldaımyz», - dedi Sottardyń qyzmetin qamtamasyz etý departamentiniń basshysy Naıl Ahmetzákirov.

#BizBirgemiz estafetasyn Joǵarǵy sot ujymy Konstıtýtsııalyq keńes apparatynan qabyldady.

Aıta keteıik, elorda jastary áleýmettik jelide qar kúreý chellendjin bastady. Elorda eriktilerine Memleket basshysy Qasym-Jomart Toqaev qoldaý bildirdi.