Joǵarǵy Sotta jańa apparattyń jetekshisi tanystyryldy
ASTANA. 3 qyrkúıek. QazAqparat - 3 qyrkúıekte Joǵarǵy Sottyń Tóraǵasy Bektas Beknazarov sýdıalar men apparat qyzmetkerlerine Sottardyń qyzmetin qamtamasyz etý Departamentiniń jańa basshysyn tanystyrdy.
Bul týraly QR Joǵarǵy Sotynyń baspasóz qyzmetinen habarlady.
Joǵarǵy sot organynyń basshysy Joǵary Sot Keńesiniń hattamalyq sheshimi jáne Prezıdent Ákimshiliginiń Іlııas Saparuly Ispanovty Sottardyń qyzmetin qamtamasyz etý Departamentiniń (Joǵarǵy Sot apparatynyń) basshysy laýazymyna taǵaıyndaýǵa kelisim bergen haty týraly habarlady.
Ol departamenttiń jańa basshysynyń eńbek jolyna toqtala kelip, Astana qalasynyń sottar ákimshisi, Joǵarǵy Sot janyndaǵy Sot ákimshiligi jónindegi komıtettiń birinshi orynbasary, Ekonomıka jáne Qarjy Departamentiniń basshysy, aqparattyq resýrstardy qorǵaý jáne aqparattandyrý, Qarjy Departamentiniń basshysy, Bas prokýratýranyń aqparattandyrý jáne aqparattyq resýrstardy qorǵaý, Qarjy Departamentiniń basshysy qyzmetterinde qol jetken jetistikterin atap ótti.
Joǵarǵy Sot apparatyn osyǵan deıin basqarǵan Marat Jumaǵulov basqa qyzmetke aýysýyna baılanysty atqaratyn qyzmetinen bosatyldy. Salttanaty jınalys barysynda B.Beknazarov M. Jumaǵulovqa laýazymdyq mindetterin adal jáne úlgili oryndaǵany úshin, jumys kórsetkishin joǵarǵy dárejede kórsetkeni jáne qol jetkizgen jetistikteri úshin «Minsiz qyzmeti úshin» ІІІ dárejeli medalin tabys etti.
Departament basshysynyń birinshi orynbasary Jazbek Ábdıev jáne Departament basshysynyń birinshi orynbasary Ásııa Qasenova óz qyzmetterinde qaldy. Olarǵa qatysty tıisti ókimdi Joǵarǵy Sot Tóraǵasy oqyp, kópshilikti qulaǵdar etti.
Departament basshysynyń orynbasary Nurlan Tóremurat óz qalaýy boıynsha jumystan bosatyldy. B.Beknazarovtyń aıtýy boıynsha, bul bos laýazymdyq orynǵa kisi taǵaıyndaý máselesi kóp uzamaı sheshiledi.
