Joǵarǵy Sotta sottardyń daýlardy sheshýdiń balamaly tásilderin damytý máselesi talqylandy
Kezdesýde sóz sóıleı otyryp, І.Ispanov Joǵarǵy Sottyń Tóraǵasy sot isin júrgizýde medıatıvtik rásimderdi qoldanýǵa, jergilikti jáne basqa da sottardyń jumysyn baǵalaý kezinde olardyń mańyzdylyǵyna asa nazar aýdaratynyn atap ótti.
Joǵarǵy Sot turaqty negizde bitistirý rásimin sot praktıkasynda qoldanýdy zerdeleýde. Máselen, aǵymdaǵy jyldyń 5 aıynyń statıstıkasy boıynsha respýblıka sottarynyń daýlardy balamaly tásildermen sheshýdi qoldana otyryp aıaqtalǵan qaralǵan azamattyq isteriniń sany 1,8 esege ósken, medıatıvtik rásimderdi qoldana otyryp aıaqtalǵan qaralǵan qylmystyq isteriniń sany 1,7 esege ósken.
Ońtústik Qazaqstan, Soltústik Qazaqstan, Jambyl jáne Batys Qazaqstan oblystarynyń medıatsııany keńinen taratýy boıynsha oń tájirıbesi zerdelendi. Jergilikti sottardyń ákimdiktermen birlese otyryp medıatsııa kabınetterin ashý, oblystyq sot, ákimdik jáne qoǵamdyq uıymdar arasynda bitistirý rásimi ınstıtýtyn damytý boıynsha ózara yntymaqtastyq týraly memorandýmdardy bekitý jónindegi júrgizilgen jumysy atap kórsetildi.
«Ákimdikter janyndaǵy qurylǵan medıatsııa kabınetteri, sózsiz, sottardan úlken araqashyqtyqta ornalasqan halyqtyń áleýmettik qorǵalmaǵan tobyn qoldaý, sonymen qatar sot jáne kólik shyǵyndaryn únemdeý bolyp tabylady. Ákimdikter janyndaǵy qurylǵan medıatsııa kabınetteri azamattarǵa turǵylyqty jerinen shyqpastan, kórsetilgen deldaldarǵa janjaldy sheshý jáne bimgershilikke qol jetkizý boıynsha júginý múmkindigin beredi», - dedi І.Ispanov. Ol BAQ-tarda daýlardy balamaly sheshý tásilderiniń, onyń ishinde memlekettik bajdy tóleýge baılanysty jeńildik sharttary boıynsha basymdyqtary týraly túsindirme jumystaryn jalǵastyrý qajetteligi týraly atap kórsetti.
Jınalysta sondaı-aq jergilikti sottardyń jumysyn baǵalaýdaǵy jańa redaktsııada birinshi jáne apellıatsııalyq satydaǵy sottardaǵy azamattyq ister boıynsha bitistirý rásiminiń qoldanýy jeke eskeriletini atap ótildi.
