Joǵarǵy sotta Sot jıýrıiniń jańa quramy saılandy
Joǵary sot organynyń tóraǵasy Qaırat Mámı óz sózinde sot jıýrıi «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańyna engizilgen ózgerister eskerile otyryp qurylǵanyn eske saldy. Atap aıtqanda, endi Sot jıýrıi jumys istep júrgen sýdıalardyń kásibı qyzmetine baǵa berip, sýdıanyń ornynan túsý quqyǵyn rastaıtyn jáne ony toqtatatyn bolady, sondaı-aq sýdıalarǵa qatysty tártiptik is júrgizýdi qozǵaý týraly máselelerdi, tártiptik isterdi qaraıdy.
Zańnyń 22-babyna sáıkes, Sot jıýrıiniń quramy jasyryn daýys berý jolymen saılandy. Oǵan aýdandyq sottardyń 3 sýdıasy, oblystyq jáne Joǵarǵy sottardan 5 sýdıadan jáne ornynan túsken 3 sýdıa endi.
Sot jıýrıiniń tóraǵasy bolyp Morıak Shegenov saılandy.
Sot jıýrıi biliktilik komıssııasynyń quramyna Joǵarǵy Sottyń sýdıalary Roza Jakýdına, Sara Jarmuhambetova, Ońtústik Qazaqstan oblystyq sotynyń sýdıasy Aıman Saǵyndyqova jáne Áskerı sottyń sýdıasy Qýanysh Samanbetov, ornynan túsken sýdıalar Baǵdat Ahmetov, Qaıynjamal Býhbanova men Amangeldi Rysqalıev endi.
Tártiptik komıssııanyń quramyna Joǵarǵy Sottyń sýdıalary Margarıta Odıntsova men Aıgúl Saparova, Astana qalalyq sotynyń sýdıasy Kenje Aqtaılaqov, Almaty qalalyq sotynyń sýdıasy Gúlbaram Esjanova, Qaraǵandy oblystyq sotynyń sýdıasy Asqar Turysbaev, qylmystyq ister jónindegi mamandandyrylǵan aýdanaralyq áskerı sottyń tóraǵasy Erbol Ahmetjanov, sondaı-aq Aqmola oblysy men Astana qalasynyń kámeletke tolmaǵandardyń isteri jónindegi mamandandyrylǵan aýdanaralyq sottarynyń tóraǵalary Aısulý Jumatova men Nazılıa Razzak saılandy.
Sot jıýrıiniń jańa quramy «100 naqtyly qadam» Ult josparyn oryndaý úshin saılandy. Atap aıtqanda, 19-shy qadamda sýdıalardyń eseptiligin kúsheıtý, sýdıalardyń jańa Ádep kodeksin ázirleý kózdelgen. Solardyń negizinde azamattar Joǵarǵy Sottyń janynan qurylǵan Sot jıýrıine sýdıalardyń is-áreketterine shaǵymdana alady.
«Qazaqstan Respýblıkasynyń keıbir konstıtýtsııalyq zańdaryna Joǵary Sot Keńesi, sot júıesi jáne sýdıalardyń mártebesi máseleleri boıynsha ózgerister men tolyqtyrýlar engizý týraly» 2015 jylǵy 4 jeltoqsandaǵy Qazaqstan Respýblıkasynyń Konstıtýtsııalyq zańyna engizilgen túzetýlermen sýdıalardyń kásiptik qyzmetine baǵa berý aıqyndalyp, Sot jıýrıiniń quramy men ókilettikteri, sýdıalarǵa qatysty materıaldardy Sot jıýrıinde qaraýdyń negizderi kórsetildi.
Sot jıýrıi biliktilik komıssııasynan jáne tártiptik komıssııadan turady. Biliktilik komıssııasy jeti músheden - oblystyq sottardyń eki sýdıasynan, Joǵarǵy Sottyń eki sýdıasynan jáne ornynan túsken úsh sýdıadan turady. Tártiptik komıssııa toǵyz músheden - aýdandyq jáne oǵan teńestirilgen sottardyń úsh sýdıasynan, oblystyq sottardyń úsh sýdıasynan jáne Joǵarǵy Sottyń úsh sýdıasynan turady.
Osylaısha, Sot jıýrıi oǵan Ult josparynda kórsetilgen mindetterdi oryndaýǵa daıyn. Biliktilik komıssııasy jumys istep júrgen sýdıalardyń kásibı qyzmetin baǵalaýdy júzege asyrady, tártiptik komıssııa - sýdıanyń ornynan túsý quqyǵyn rastaý, sondaı-aq sýdıalarǵa qatysty tártiptik is júrgizýdi qozǵaý týraly máselelerdi qaraıtyn bolady.
