Joǵarǵy sotta Qazaqstanda medıatsııa júıesin engizýge baılanysty dóńgelek ústel otyrysy ótip jatyr
ASTANA. Qyrkúıektiń 17-i. QazAqparat /Aıdar Ospanalıev/ - Búgin Astanada Joǵarǵy sot pen Birikken Ulttar Uymynyń damý baǵdarlamasynyń birlesip uıymdastyrýymen Qazaqstanda medıatsııa ınstıtýtyn engizý máselelerine arnalǵan dóńgelek ústel otyrysy ótýde,
dep habarlaıdy QazAqparat.
Atalmysh sharaǵa Joǵarǵy sot qyzmetkerleri men úkimettik emes jáne halyqaralyq uıymdardyń ókilderi qatysýda. Sonymen qatar oǵan Parlament depýtattary men memlekettik organ qyzmetkerleri atsalysýda. Olar otyrysta medıatsııa men oǵan qatysty týyndap otyrǵan máseleler jóninde áńgimelesip, osy júıeni Qazaqstanda engizý jumystarynyń jaıyn saralamaq. Josparǵa saı dóńgelek ústel otyrysy búgin jáne erteń qatarynan eki kúnge jalǵaspaq.
Otyrystyń ashylý rásiminde kún tártibine qoıylǵan másele jóninde baıandaǵan Májilis depýtaty Svetlana Bychkovanyń aıtýynsha, Qazaqstanda medıatsııa, ıaǵnı qaıta qalpyna keltirýge baǵyttalǵan ádil sot júıesin engizý elimizdiń qylmyspen kúres salasyndaǵy saıasatty izgilendirýmen baılanysty qolǵa alynyp otyrǵan shara. «Medıatsııany engizýde birinshi kezekte eskeretin másele, ol - ádil sot qalyptastyrýǵa baǵyttalǵan óte keń kólemdi máselelerdi qamtıtyn kúrdeli júıe. Sondyqtan oǵan baılanysty qabyldanǵan sheshimder de jan-jaqty saralanǵan ári salmaqty bolýy tıis. Atalmysh júıeniń ornyn Qazaqstanda buryn bıler ınstıtýty atqaryp kelgen. ıAǵnı, onyń tarıhı alǵysharttary bar. Qoryta aıtqanda, medıatsııa búginde sot protsesinde bolyp jatqan kóptegen máselelerdiń ońtaıly sheshimin tabýyna yqpal etedi. Sondyqtan da onyń bolashaǵynan kútiletin úmit zor», dedi depýtat.
