Joǵarǵy Sotta Halyqaralyq áıelder kúnine oraı saltanatty jıyn ótti
Іs-sharaǵa Joǵarǵy Sottyń sýdıalary, Sýdıalar odaǵy Ortalyq keńesiniń músheleri, Joǵarǵy Sot janyndaǵy Sottardyń qyzmetin qamtamasyz etý departamentiniń basshylyǵy men qyzmetkerleri qatysty.
Jıynǵa qatysýshy áriptesterin merekemen quttyqtaı kele Qaırat Mámı: «Bul mereke qazirgi áıelderdiń kóp qyrly bolmysyn sıpattaýǵa tamasha múmkindik beredi. Qazaqstan qoǵamynda áıelder, eń aldymen, ardaqty ana, súıikti jar, ekinshiden, kásibı maman, jaýapty laýazym ıesi. Sizderdi eńbekqorlyq, otbasylyq qundylyqtar men qoǵamdyq kelisimdi saqtaýǵa degen umtylys ereksheleıdi», - dedi.
Joǵarǵy Sot tóraǵasy memleket pen qoǵamdy damytýdaǵy, Ult Josparyn, Qazaqstan Prezıdentiniń halyqqa arnaǵan Joldaýy men Konstıtýtsııalyq reformany iske asyrýdaǵy áıelderdiń belsendi qyzmeti men rólin aıryqsha atap ótti.
Kezdesý barysynda Joǵarǵy Sottyń sýdıasy, Sýdıalar odaǵynyń Joǵarǵy Sottaǵy fılıalynyń basshysy Ǵalymjan Myrzake de quttyqtaý sóz sóıledi. «Táýelsiz Qazaqstan tarıhynda Memleket basshysy áıelder máselelerine zor kóńil bólip keledi. Ol árdaıym áıeldermen kezdesý ótkizip, olardyń el damýyna qosqan úlesi men rólin atap ótedi. Respýblıkamyzda Analar kúni men «Mereıli otbasy» ulttyq konkýrsy bekitildi. Analardyń jaǵdaıyna memleket aıryqsha qamqorlyq kórsetýde. Genderlik saıasat máselelerin Prezıdent Ákimshiligi janyndaǵy arnaıy komıssııa turaqty túrde qarap keledi», - dedi Ǵ.Myrzake. 
Sonymen qatar, áriptes áıelderdiń ana jáne kásibı maman obrazdaryn sátti úılestire biletindigi. sot tóreligin júzege asyrý barysynda olardyń eń kúrdeli isterdi qarap, eńbekqorlyq pen ómirlik shydamdylyqtyń úlgisin kórsetip, ujymnyń qoǵamdyq ómirine de belsene qatysatyndyǵy atalyp ótildi. 
Saltanatty is-sharanyń sońynda Joǵarǵy Sot tóraǵasy jıynǵa qatysýshy áıelderdi quttyqtaı kele, olarǵa zor densaýlyq, eńbekte tabys, qut-bereke jáne beıbit ómir tiledi.
