Joǵarǵy Sotta Halyqaralyq áıelder kúnine arnalǵan saltanatty jınalys ótti
Іs-sharaǵa Joǵarǵy Sot sýdıalary, QR Sýdıalar Odaǵy Ortalyq Keńesiniń músheleri, Joǵarǵy Sot janyndaǵy Sottardyń qyzmetin qamtamasyz etý departamenti qyzmetkerleri, sondaı-aq otstavkadaǵy sýdıalar men sot júıesiniń ardagerleri qatysty.
Qaırat Mámı quttyqtaý sózinde: «Otbasy Otannan bastalady. Al áıelder otbasynyń arqaýy. Sizder aıaýly ana, súıikti jar ǵana emes, sonymen qatar túrli saladaǵy kásibı mamansyzdar, elimizdiń damýyna jáne órkendeýine, qoǵamda tynyshtyq pen turaqtylyqty nyǵaıtýǵa aıryqsha úles qosýdasyzdar» - dep atap ótti.
Joǵarǵy Sot Tóraǵasy jınalysqa qatysýshylardyń nazaryn bıyl Qazaq handyǵynyń 550 jyldyǵy, Qazaqstan Respýblıkasy Konstıtýtsııasynyń 20 jyldyǵy, Uly Otan soǵysyndaǵy Jeńistiń 70 jyldyǵy jáne Qazaqstan halqy Assambleıasynyń 20 jyldyǵy tárizdi keńinen atap ótiletin mereıtoılardyń mańyzdylyǵyna aýdardy.
Q. Mámı otstavkaǵa ketken Joǵarǵy Sottyń sýdıalary Elena Aqmoldaeva men Vladımır Borısovqa tabysty jáne minsiz qyzmeti, sot júıesin damytýǵa qosqan úlesi úshin alǵys bildirip, olarǵa «Minsiz qyzmeti úshin» medalin tabystady. Joǵarǵy sot organynyń tóraǵasy olardyń tájirıbesi men áleýeti elimizdiń ıgiligi úshin paıdalanylatyndyǵyn erekshe atap ótti.
Kezdesý barysynda Q. Mámı jańadan taǵaıyndalǵan Joǵarǵy Sottyń sýdıalary Abaı Rahmetýllın men Beıbit Shermuhametovti ujymǵa tanystyryp, olarǵa aldaǵy ýaqytta tabys tiledi.
Sonymen qatar, Joǵarǵy Sottyń azamattyq jáne ákimshilik qadaǵalaýshy sot alqasynyń tóraǵasy Elis Ábdiqadyrov pen Joǵarǵy Sottyń sýdıasy, Sýdıalar Odaǵy Ortalyq Keńesiniń múshesi Tólebaı Qojan merekelik sharaǵa qatysýshylardy quttyqtap, sóz sóıledi.
Saltanatty jınalys merekelik kontsertpen aıaqtaldy.
