Joǵarǵy sot janyndaǵy sottardyń qyzmetin qamtamasyz etý jónindegi departament qyzmetkeri 6 jylǵa sottaldy
ASTANA. 13 qyrkúıek. QazAqparat - Buǵan deıin habarlanǵandaı, QR Ekonomıkalyq qylmysqa jáne sybaılas jemqorlyqqa qarsy kúres agenttigi, qyzmet babyn paıdalana otyryp alaıaqtyq jasaý faktisi boıynsha Joǵarǵy sot janyndaǵy sottardyń qyzmetin qamtamasyz etý jónindegi departamentiniń qylmystyq ister jónindegi qadaǵalaý sot alqasy hatshylyǵynyń meńgerýshisi N.Sársenov pen para alýǵa deldal bolý faktisi boıynsha G.Skrypınaǵa qatysty qylmystyq iske tergeý júrgizdi.
N.Sársenovty Agenttik qyzmetkerleri ústimizdegi jyldyń 22 qańtarynda Joǵary sottyń azamattyq jáne ákimshilik ister jónindegi qadaǵalaý sot alqasy azamattyq isti qaraý kezinde oń sheshim shyǵarýyna kómektesý úshin jaýapkershiligi shekteýli seriktestikterdiń biriniń dırektorynan 22 myń AQSh dollaryn alý ústinde qolǵa tústi.
Ústimizdegi jylǵy tamyzdyń 31-i kúni Astana qalasy, Esil aýdanynyń №2 aýdandyq sotynyń úkimimen N.Sársenov qyzmet babyn paıdalana otyryp alaıaqtyq jasaýǵa árekettengeni úshin aıypty dep tanylyp, ol múlkin tárkileýmen birge 6 jylǵa bas bostandyǵynan aıyrý jazasyna kesildi. G.Skrypına parany alýǵa deldaldyq etkeni úshin kináli dep tanylyp, eki jyl merzimge temir tordyń ar jaǵyna toǵytyldy.
