Joǵarǵy sot turǵyndardyń quqyqtyq saýatyn arttyratyn joba bastady
NUR-SULTAN. QazAqparat - Joǵarǵy sot turǵyndardyń quqyqtyq saýatyn arttyrý maqsatynda jańa jobany qolǵa aldy. Bul týraly vedomstvonyń baspasóz qyzmetiniń jetekshisi Aıdos Sádýaqasov málimdedi.
«Elimizde ártúrli jaǵdaılarǵa baılanysty basy daýǵa qalǵan azamattar qatary artpasa, kemigen joq. Ásirese, alaıaqtar men qarjy pıramıdalarynyń qurbandary kóbeıýde. Osy rette Joǵarǵy sot azamattardyń quqyqtyq saýatyn arttyrý maqsatynda SOT LIVE atty jańa YouTube jobasyn iske qosty», - dep jazdy ol áleýmettik jelidegi paraqshasyna.
Jańa jobanyń alǵashqy 2 shyǵarylymy Túrkistan qalasynda túsirilgen. Onda aımaqtaǵy sottyń qylmystyq ister jónindegi sot alqasynyń tóraǵasy Aıdos Sultanov qarjy pıramıdasyn quratyn alaıaqtardyń aıla-sharǵylary, osyndaı isterdi qaraý erekshelikteri men olardyń qaqpanyna túspeýdiń joldary týraly áńgimeleıdi.
Eske sala keteıik, buǵan deıin Joǵarǵy sot tóraǵasy Jaqyp Asanov Prezıdentke aqtalyp shyqqan adam sany 7 ese óskenin baıandaǵan bolatyn
