Joǵarǵy sot turaqty túrde sýdıalardyń óz qyzmetterin qalaı atqaryp, qalaı jetilip kele jatqandyqtaryn baqylap otyrady
ASTANA. 19 sáýir. QazAqparat - Quqyq qorǵaý organynyń qyzmetkerleri arnaıy attetatsııadan ótetin bolsa, Joǵarǵy sot pen Joǵarǵy sot keńesi sot salasynda qyzmet etetin azamattardyń jeke bastaryn zertteıtin bolady.
Bul týraly búgin bıylǵy jyldyń birinshi toqsanynyń qorytyndysyna baılanysty jergilikti jáne ózge de sot ókilderimen bolǵan selektorlyq májiliste Joǵarǵy sot tóraǵasy Bektas Beknazarov málim etti.
«Qazirgi tańda Memleket basshysynyń Jarlyǵymen arnaıy komıssııa qurylyp, quqyq qorǵaý jáne arnaıy organdardyń qyzmetkerlerin attetatsııadan ótkizý sharasy júrip jatyr. ıAǵnı quqyq qorǵaý salasynyń júzdegen qyzmetkerleri jyl boıyna arnaıy tekserýden ótedi. Sóıtip olardyń arasynda ishki ister organdarynda qyzmet etýge laıyqty degenderi ǵana tańdap alynady. Al sot júıesi boıynsha, attestatsııadan ótý nemese qaıta ótý degen talapty Memleket basshysy qoıyp otyrǵan joq»,- dedi Joǵarǵy sot tóraǵasy.
Onyń sózinshe, bul Memleket basshysynyń elimizdiń sot júıesine senimi. «Alaıda bul árbir sýdıanyń jeke basynyń máselesi nazardan tys qaldy degendi bildirmeıdi. Joǵarǵy sot ta, Joǵarǵy sot keńesi
de turaqty túrde sýdıalardyń óz qyzmetterin qalaı atqaryp, qalaı jetilip kele jatqandyqtaryn baqylap otyrady. Biz sonymen qatar qalyń kópshiliktiń sot ókilderine degen pikirlerin de qadaǵalap otyramyz. Joǵarǵy sot osyndaı sot ókilderiniń jeke bastaryna qatysty máseleni zerttep, zerdeleý máselesin josparlap otyr jáne bul jospar oryndalady»,- dedi B.Beknazarov.
