Joǵarǵy sot tóraǵasyna ınternet-konferentsııanyń eki kúninde 40-qa jýyq saýal kelip tústi
Atalǵan sharany Joǵarǵy sot jáne «QazAqparat» AA uıymdastyryp otyr.
12-26 maýsym aralyǵynda ǵalamtor júıesindegi ınternet-konferentsııa jelisi arqyly Joǵarǵy sot tóraǵasy Bektas Beknazarovqa conference@supcourt.kz poshtasyna: arnaıy ashylǵan hattar qorjynyna saýaldar joldaý múmkindigi ashylǵanyn esterińizge sala keteıik.
Jumystyń eki kúninde 40-qa jýyq saýal kelip tústi. Olar naqty sot isteri men shyǵarylǵan sot aktilerinen basqa, qoldanystaǵy zańnama aıasyna qatysty taqyryptardy qamtydy.
Azamattardyń basym bóligin zańnamalarǵa engiziletin ózgerister men tolyqtyrýlar, sot isin júrgizýdegi quqyqtyń san salasyna qatysty keńes alý máseleleri tolǵandyryp otyr. Sonymen qatar sýdıalardyń atyna birneshe alǵys hattar kelip tústi.
«Ún qatysatyn ınternet-aýdıtorııanyń aýmaǵy óte keń. Bizdi azamattardyń quqyqtyq turǵydan saýattylyǵy, jańadan qabyldanǵan zańnamamen habardar bolǵany qatty qýantady. Saýaldyń basym bóligin respýblıkamyzdyń zań salasyndaǵy advokattar, notarıýstar, kásiporyn jáne kompanııadaǵy zańgerler joldap otyr. Sonymen qatar saýal qoıýshy adamdardyń ishinde sýdıaǵa úmitkerler, stýdentter, sottalýshylar da bar», delingen Joǵarǵy sot habarlamasynda.
Qazirgi kezde jumys toby barlyq saýaldarǵa monıtorıng júrgizip, olardy uqsastyǵy boıynsha biriktirýde. «Biz qorjynǵa túsken asa ózekti, kópshilikti jıi tolǵandyratyn, ári qyzyqty saýaldardy tolyǵymen qamtýǵa tyrystyq», dep naqtylanǵan habarlamada.
Internet-portaldyń nusqasy úshin Internet-konferentsııanyń mátini Joǵarǵy sottyń (www.supcourt.kz) jáne «QazAqparat» AA ınternet resýrstarynda (inform. kz) jarııalanatyn bolady.
«Internet-konferentsııaǵa saýaldardy qabyldaý 26 maýsymda aıaqtalady», dep aıtyp ótilgen baspasóz habarlamasynda.
