Joǵarǵy sot tóraǵasy jýrnalısterdi quttyqtady

«Yrys aldy - yntymaq» degen. Jýrnalıster men elimizdiń sot bıligi ózara túsinisip, elimizdiń damýy úshin atqarylyp jatqan óreli isterge jumylyp otyrmyz. Sonymen qatar, baspasóz ókilderiniń sot bedelin kóterý maqsatyndaǵy shyn yqylasty jumystaryna árqashan dán rızamyz. Bul turǵyda elimizdiń jýrnalısteri Qazaqstannyń quqyqtyq saıasatyn halyqqa shynaıylyqpen jetkizip júrgen qalamy ushqyr, oı-maqsaty tunyq qalamger. Sondyqtan da, elimizdiń barsha jýrnalısterine muqalmas kúsh-jiger, ushqyr oı, shalqar shabyt pen shyǵarmashylyq tabys tileımin», - dedi búgin mereke qarsańynda bir top baspasóz ókilderimen kezdesýi barysynda Joǵarǵy sot tóraǵasy Bekzat Beknazarov.

Sonymen qatar, kásibı merekeleri qarsańyndaǵy júzdesý barysynda Tóraǵa halyqtyń sot júıesine senimin kóterý baǵytynda buqaralyq aqparat quraldarynyń alatyn ornyna toqtalyp, aldaǵy ýaqytta da el damýy úshin sot bıliginiń BAQ-pen qoıan-qoltyq jumystar atqarylatynyna senim bildirdi. Sondaı-aq, tóraǵa B. Beknazarov jýrnalıstik qyzmetinde sot júıesi týraly máseleler kóterip, osy baǵytta qalam terbep kózge túsken bir top jýrnalısterdi alǵys hatymen marapattady. Marapattalǵandardyń arasynda «QazAqparat» UK sholýshysy Muratbek Maqulbekov bar.