Joǵarǵy Sot tóraǵasy tolyqqandy sot aktileri bankin aıaqtaýdy tapsyrdy

ASTANA. QazAqparat - Búgin respýblıka sottarynyń 2015 jyldyń birinshi jartyjyldyǵynda atqarǵan jumys qorytyndylaryna arnalǵan keńeıtilgen keńeste QR Joǵarǵy Sot tóraǵasy Qaırat Mámı tolyqqandy sot aktileri bankin qurýdy aıaqtaýdy tapsyrdy.

«Sarapshylardyń sonyń ishinde sheteldik sarapshylar tarapynan synǵa ushyrap kelgen jáne bir másele -tolyqqandy sot aktiler bankiniń joqtyǵy. Bul isti aıaqtaýdy tapsyramyn. Biz jurtshylyqqa, eń birinshi kezekte múddeli zańgerler qaýymdastyǵyna qazaqstandyq ádilsot júıesiniń eń ozyq sot tájirıbelerin qoldaný múmkindigin usynýǵa tıispiz», - dedi Qaırat Mámı. Budan bólek, Tóraǵa sot qurylysynyń jańa qurylymyn quqyqtyq, uıymdastyrýshylyq jáne materıaldyq-tehnıkalyq turǵydan qamtamasyz etý boıynsha sharalar qabyldaýdy tapsyrdy. «Departament basshylary men oblystyq sot keńse basshylaryna elektrondyq klassıfıkatordyń úzdiksiz jumys isteýin qamtamasyz etýdi júkteımin. Bunyń baǵdarlamalyq mazmuny jetildirilýi shart», - dedi Q. Mámı.