Joǵarǵy sot Tóraǵasy Q.Mámı onlaında oqyrmandardyń suraǵyna jaýap beredi
Saıtta reıtıngtik daýys berý júıesi uıymdastyrylǵan. ıAǵnı, Qaırat Mámıge kóp daýys jınaǵan suraqtar ǵana qoıylady.
Onlaın-konferentsııanyń bastalýyna 1 kún 18 saǵat 50 mınýt ýaqyt qalǵan. Qazirdiń ózinde Joǵarǵy Sot tóraǵasynan ádildik izdegen 370 adam suraǵyn joldaǵan eken.
Suraqtardyń arasynda qylmystyq isterdi qaraý kezdegi sot tóreligine, áleýmettik máselelerge, jekeshelendirý men múlikti satýdaǵy zańsyzdyqtarǵa, qurylys kompanııalarynyń bankrottyǵy men úı ala almaı júrgen jetimderdiń máselesine qatysty suraqtar reıtıng jınap keledi.
Mysaly, Aqtaý qalasynda turatyn 31 jastaǵy Halaıa esimdi azamatsha Joǵarǵy Sot tóraǵasyna oblystyq sot sheshimine kóńili tolmaıtyndyǵyn jetkizip otyr.
«Aqtaý qalasyndaǵy oblystyq sot joldasym Rýstam Jamantikovqa qatysty negizsiz ári qatal jaza taǵaıyndady dep sanaǵandyqtan, sizge hat joldap otyrmyn. Joldasym qatań rejımdegi kolonııaǵa 17 jylǵa sottaldy. 2008 jyly 26 mamyr kúni S.V.Nurambaev degen azamat adam qolynan qaza tapty. Meniń joldasym men bul istegi basty kúdikti M.K.Bekhojaev degen azamatpen (Bekhojaevty 22 jylǵa sottady) birge sol kúni spırttik ishimdik iship, «Opel-Vektora» markaly taksıge minedi. Sol kezde taksı júrgizýshisi men Bekhojaev sózge kelip qalady da, Bekhojaev taksı júrgizýshisine pyshaq suǵyp alady. Meniń joldasym ekeýin ajyratpaq bolǵanymen, budan túk shyqpaıtynyn bilgen soń mashınadan shyǵyp ketedi. Syrttan qarap turǵan ol kólik bir adamdy qaǵyp ketkenin kóredi. Joldasym birden ishki ister bólimine baryp osy oqıǵany jaıyp salǵan. Joldasym oqıǵanyń kýágeri bolsa da, advokat ony qorǵap shyqpady. Sot tóreliginde kúmán týdyrar jaıttar kóp»,-dep baıandaǵan ol oqıǵa barysyn. Azamatshanyń aıtýynsha, olardyń 3 balasy bar eken.
