Joǵarǵy Sot Tóraǵasy ınternet-konferentsııa ótkizedi
Bul týraly Joǵarǵy Sottyń baspasóz qyzmetinen habarlandy.
«Suraq-jaýap» rejıminde ótkiziletin onlaın-konferentsııa barysynda joǵary sot organynyń basshysy naqtyly sot isteri men shyǵarylǵan sot aktilerinen basqa, respýblıka sot organdarynyń qyzmeti, sot júıesin jańǵyrtý, sonyń ishinde kadr saıasatyn jetildirý, sot isin júrgizýdi jeńildetý, aldaǵy ýaqytta zańnamada bolatyn ózgerister, sondaı-aq Memleket basshysynyń sýdıalardyń V-sezinde mejelegen mindetterin iske asyrý týraly qoıylǵan suraqtarǵa jaýap qaıtarady.
Osyǵan oraı, Joǵarǵy Sot zańgerler qaýymynyń ókilderin, barlyq múddeli azamattardy Internet-konferentsııa barysynda ózara únqatysýǵa shaqyrady. Bul úshin 2013 jylǵy 26 maýsymǵa deıin suraqtardy myna meken-jaıǵa jiberýdi usynady: conference@supcourt.kz nemese: Qazaqstan Respýblıkasy, 010000, Astana, D. Qonaev kóshesi, 39-úı; faks (7172) 24-25-98.
Suraqtar men olardyń jaýaptary Joǵarǵy Sottyń supcourt.kz jáne «QazAqparat» agenttiginiń inform. kz ınternet-resýrstarynda ornalastyrylatyn bolady.
