Joǵarǵy sot tóraǵasy áleýmettik jeli qoldanýshylarynyń shaǵymdaryna jaýap berdi

ASTANA. QazAqparat - QR Joǵarǵy sotynyń tóraǵasy Jaqyp Asanov sottarda tsıfrlyq tehnologııalardy engizý kezindegi qıyndyqtar týraly aıtty, dep habarlaıdy QazAqparat.

Eń aldymen, ol qarjylandyrý máselesinen bastady.

«Ótken jyly maqsatty qarjylandyrý qajetti deńgeıde júzege asyrylmady. Jınalǵandardyń barlyǵy, negizinen, jalaqynyń esebinen únemdeý boldy, eshqandaı syılyqaqy berilmedi, óıtkeni biz bul aqshany osy máselelerdi sheshý úshin jiberip jatyrmyz», - dedi Joǵarǵy sottyń basshysy sottardy tsıfrlandyrý máseleleri boıynsha dóńgelek ústel barysynda.

Onyń aıtýynsha, bul tásilden eń aldymen sottarǵa onlaın rejiminde qujattardy jiberýge úırengender zardap shegedi. Kóbinese olar servıstik durys jumys istemeýine tap bolýda.

«Olar áleýmettik jelilerde únemi osy týraly jazýda, bul jadynyń jetispeýi, baılanys arnalarynyń jetkiliksizdigi jáne taǵy basqa sebepterden týyndap jatyr. 2018-2021 jyldar aralyǵynda Joǵarǵy sot departamenti tarapynan «Tsıfrlyq Qazaqstan» baǵdarlamasy aıasynda 2,8 mlrd teńge suratyldy. Bul másele ázirge sheshilgen joq», - dep túsindirdi J.Asanov.

Onyń aıtýynsha, jańa tehnologııalardy engizýge adamdardyń ózderi kedergi keltirýde.

«Bizdiń quqyq qoldanýshylarymyz tsıfrlyq tehnologııalardyń múmkindigin elemeı jatyr», - dedi QR JS tóraǵasy.