Joǵarǵy sot sottalǵan 8 adamdy aqtady

ASTANA. QazAqparat - QR Joǵarǵy sotynyń kassatsııalyq alqasy vedomstvo tóraǵasynyń usynysymen 8 adamdy aqtady, dep habarlaıdy QazAqparat tilshisi.

«Aısulý Jalǵasbaevaǵa, Táýirjan Sattarovqa, Albert Daýkantasqa, Qurbanaı Qabyrǵa, Jaınagúl Berdiǵalıevaǵa, Janat Syzbaevaǵa jáne Jabyra Mamytbekovaǵa qatysty birinshi satydaǵy sottardyń jeti qaýlysy qaıta qaraldy. Olarǵa sáıkes, atalǵan tulǵalarǵa qatysty birinshi satyda sottar isti QR QK 68 baby, 1 tarmaǵy boıynsha toqtatty. Sonymen qatar Bekejan Erjanovtyń isi boıynsha bir úkim qaıta qaraldy», - dep jazdy Joǵarǵy sottyń baspasóz hatshysy Bolat Kalıanbekov.

Onyń túsindirýinshe, Erjanov birinshi satydaǵy sot úkimimen qylmystyq jaýapqa tartý merziminiń ótip ketkendigine baılanysty qylmystyq jaýapkershilikten bosatylǵan.

«Qaraý qorytyndysynda kassatsııalyq saty qylmys quramynyń bolmaýyna baılanysty barlyq sottalýshyny aqtady», - dedi ol.