Joǵarǵy Sot: ReedSmith kompanııasynyń ókilderimen kezdesýde Astanadaǵy halyqaralyq forýmdy birlese ótkizý jaıy qaraldy

ASTANA. QazAqparat - Joǵarǵy Sotta mamandandyrylǵan sot alqasynyń tóraǵasy A.Q. Qydyrbaeva ReedSmith halyqaralyq zań kompanııasynyń ókilderimen kezdesti.

ReedSmith halyqaralyq zań kompanııasy negizinen ınvestor men memleket arasynda týyndaıtyn daýlar boıynsha halyqaralyq kommertsııalyq arbıtrajdy júzege asyrady.

Kompanııa ókilderi Belında Peıslı (Ulybrıtanııa), Ajar Kýzýtbaeva men Ádil Ydyrysov álemniń iri tórelik sottarynda, sonyń ishinde ınvestıtsııalyq arbıtrajda qaraǵan ister sheńberinde, sondaı-aq kúrdeli ınvestıtsııalyq sharttar boıynsha memleket múddesin qorǵaý baǵytynda jınaqtaǵan jumys tájirıbelerimen bólisti.

Taraptar ReedSmith kompanııasynyń tájirıbesine sáıkes ınvestıtsııalyq daýlardy anyqtaý, sondaı-aq Qazaqstandaǵy arbıtrajdy odan ári damytý máselelerin talqylady. Arbıtraj boıynsha is júrgizý, arbıtrajdyq sheshimderdi oryndaýǵa baılanysty jekelegen máselelerdi mamandandyrylǵan sot alqasynyń sýdıasy Madııar Balken túsindirip ótti.

Mamandandyrylǵan alqa hatshylyǵynyń mindetteri, ózge de uıymdastyrýshylyq máseleler men aldaǵy josparlar týraly mamandandyrylǵan sot alqasy hatshylyǵynyń meńgerýshisi Laýra Qurmantaeva sóz sóıledi.

Kezdesý qorytyndysy boıynsha taraptar aǵymdaǵy jylǵy sáýirde Astanada joǵaryda qozǵalǵan máseleler boıynsha ótetin halyqaralyq forýmyn birlese uıymdastyrý men ótkizýdiń múmkindikteri boıynsha syndarly usynystarymen bólisti, dep habarlaıdy Joǵarǵy Sottyń baspasóz qyzmeti.