Joǵarǵy sot pen Qazaqstan sýdıalary odaǵy jýrnalıst mamandardy daıarlaıdy
ASTANA. 13 maýsym. QazAqparat - QR Joǵarǵy soty men Qazaqstan sýdıalary odaǵy elimizdiń jetekshi joǵary oqý oryndarymen arnaıy memorandýmdy rásimdeıdi.
Oǵan sáıkes, sot isi salasy boıynsha jýrnalıst mamandardy daıarlaý josparlanyp otyr. Búl týraly búgingi baspasóz máslıhatynda QR Joǵarǵy sotynyń resmı ókili Oksana Peters málim etti.
Onyń habarlaýynsha, atalǵan qujat osy aıda rásimdeledi. «Qazaqstandaǵy sot bıliginiń aqparattyq ashyqtyǵyn qamtamasyz etý máselesiniń mańyzdylyǵyn eskere otyryp, Joǵarǵy sot jáne Qazaqstan sýdıalary odaǵy elimizdiń jetekshi joǵary oqý oryndarymen ózara yntymaqtastyq týraly memorandýmdy rásimdep, sot qyzmetin jazyp-kórsetetin jýrnalıst mamandardy daıarlaýdy qolǵa alýdy josparlap otyr», - deıdi O.Peters.
