Joǵarǵy sot para aldy dep aıyptalǵan eki sýdıany qyzmetten bosatýdy usyndy

NUR-SULTAN. QazAqparat - Joǵary Sot keńesiniń kezekti otyrysy ótti. Jıyn barysynda keńes respýblıkadaǵy birqatar jergilikti sottardyń shtattyq qurylymyn ózgertýge kelisimin berdi, dep habarlaıdy QazAqparat vedomstvonyń resmı saıtyna silteme jasap.

Sot tóreliginiń sapasyn arttyrý maqsatynda keńes Shymkent qalalyq sotynyń shtattyq qurylymyn Soltústik Qazaqstan oblystyq sotynyń esebinen bir shtattyq danaǵa ulǵaıtýǵa kelisim berdi.

Otyrysta sonymen qatar keńes músheleri Soltústik Qazaqstan, Shyǵys Qazaqstan jáne Mańǵystaý oblystyq sottarynyń tóraǵalary laýazymdaryna úmitkerlerdi usyndy.

Budan bólek, keńes zeınet jasyna jetken sýdıanyń laýazymynda qalý merzimin uzartýǵa kelisim berdi.

Sonymen qatar, keńes sot alqasynyń tóraǵasy, sot tóraǵasy jáne birqatar sýdıalardy túrli sebeptermen laýazymdarynan bosatý týraly usynys berdi.

Solardyń ishinde Qaraǵandy oblysynyń mamandandyrylǵan aýdanaralyq ekonomıkalyq sotynyń sýdıasy E. M. Ǵabdýllın men Almaty oblysyndaǵy Uıǵyr aýdandyq sotynyń sýdıasy R.A. Súleımenovty laýazymdarynan bosatý usynyldy.

Atalǵan tulǵalar sybaılas jemqorlyq qylmysyn jasady dep aıyptalyp, olarǵa qatysty sot úkimi kúshine engen.