Joǵarǵy sot óz qyzmetin talapqa saı júzege asyra almaıtyn sot ókilderin arnaıy tizimge engizedi - M.Álimbekov
ASTANA. Shildeniń 9-y. QazAqparat /Aıdar Ospanalıev/ - «Elimizdiń aımaqtarynda qoldanysqa engen jańa zań talaptaryn bilýge yntaly emes azamattar bar. Bul oblystaǵy keıbir sot tóraǵalarynyń jalqaýlyqqa moıynsunyp otyrǵandyǵynyń kórinisi.
Bul keshirilmeıtin jaǵdaı», dedi Joǵarǵy sot tóraǵasy Musabek Álimbekov. Bul týraly ol búgin elimizdiń sot júıesiniń jarty jyldyq qorytyndysyna arnalǵan Joǵarǵy sot sýdıalarynyń jalpy otyrysynda málim etti.
Onyń aıtýynsha, zańdy bilýge yntasyz mundaı sot ókilderi arnaıy málimetter bankine engiziledi. «Búgingi otyrys barysynda oblystyq sot tóraǵalary men qyzmetkerlerine qatysty aıtylǵandardyń barlyǵy nazarǵa alynady jáne arnaıy tirkeýge qoıylady. Bul máselelerdiń barlyǵy sot ókilderiniń qyzmet satysymen kóterilý kezinde nazarǵa alynady. Sondaı-aq biz monıtorıng jumystaryn tek sýdıalarǵa qatysty ǵana qoldanbaımyz. Bul baǵyttaǵy jumystar oblystyq sottardy da qamtıtyn bolady», dedi Joǵarǵy sot tóraǵasy.
