Joǵarǵy sot ókilderi Astana qalasynyń jetim balalar úıleriniń tárbıelenýshilerine merekelik dastarhan jaıdy

dep habarlaıdy vedomstvonyń baspasóz qyzmeti.

Taǵdyr tálkegimen ata-ana qamqorlyǵynan aıyrylǵan 150-den astam balaǵa elimizdiń sot qaýymdastyǵy men Astana qalasynyń bilim basqarmasy tarapynan Aıaz ata men Aqshaqar bastaǵan kontserttik baǵdarlama usynyldy. Joǵarǵy sot janyndaǵy Sottardyń qyzmetin qamtamasyz etý departamentiniń basshysy Baýyrjan Jumaǵulov jınalǵandarǵa Joǵarǵy Sot tóraǵasy Bektas Beknazarovtyń quttyqtaýyn jetkizip, balalarǵa arnalǵan sharalardyń turaqty

túrde uıymdastyrylatyndyǵyn jáne bul ıgi bastamanyń oblystyq sottarda da qolǵa alynyp, aldaǵy ýaqytta jalǵasyn tabatyndyǵyn jetkizdi.

Merekelik keshke shaqyrylǵan jasóspirimderdiń biri 12 jasar Arman «Jańa jyl men úshin qýanysh pen syılyqtarǵa toly mereke. Ustazdarymyzben birge arnaıy kostıýmdi daıyndadyq. Búgingi merekeni biz úshin uıymdastyrǵan aǵa-apalarymyzǵa alǵysymyz sheksiz»,- degen degen alǵysyn bildirdi. Án-kúıge toly kesh sońynda barlyq balalarǵa syılyqtar tabys etildi.