Joǵarǵy Sot qostanaılyq 6 ádilet qyzmetkeriniń quqyn qorǵap berdi
ASTANA. 2 tamyz. QazAqparat - Joǵarǵy sottyń azamattyq jáne ákimshilik ister jónindegi qadaǵalaýshy sot alqasy Ádilet mınıstrliginiń Qostanaı oblystyq aýmaqtyq bólimshesiniń 6 qyzmetkeriniń eńbek quqyǵynyń buzylý týraly isterine qatysty sońǵy núktesin qoıdy.
Bul týraly búgin QR Joǵarǵy Sotynyń aǵymdaǵy jyldyń birinshi jartyjyldyǵyn qorytyndylaýǵa arnalǵan brıfıng barysynda resmı ókil Oksana Peters málim etti.
Úkimettiń 2011 jylǵy qaýlysy boıynsha qujattandyrý fýnktsııasy jáne turǵyndardy tirkeý ádilet organdarynan ishki ister organdaryna berilgen bolatyn. «Basshylardyń buıryǵymen Qostanaı jáne Aqmola oblysy ádilet departamentteriniń naqtylanǵan shtat sany ózgerister aıasynda ishki ister departamentine aýystyrylǵan. Alaıda, ádilet departamentiniń burynǵy qyzmetkerlerin ishki ister jumysqa qabyldaýdan bas tartqan. Osyǵan oraı, Ádilet organynyń qyzmetkerleri ózderiniń konstıtýtsııalyq eńbek bostandyqtaryn qorǵaý maqsatynda ishki ister basqarmasyna memlekettik qyzmetten zańsyz bosatý, burynǵy jumysyn qaıtadan qalpyna keltirý týraly talap-aryzben sotqa júgingi», - deıdi O. Peters.
Onyń aıtýynsha, Qostanaı jáne Kókshetaý qalalyq sottarynyń, oblystyń apellıatsııalyq sot alqalarynyń qaýlysy boıynsha ádilet organy qyzmetkerleriniń talap-aryzy jartylaı qanaǵattandyrylǵan.
«Bosatý sot arqyly zańsyz dep tanylyp, qyzmetkerlerdi ishki ister basqarmasyna jumys isteýi qalpyna keltirip, jumys ýaqytynda zańsyz bosatylǵany úshin eńbek jalaqysyn jartylaı óndirý týraly sheshim qabyldanǵan», - deıdi O. Peters.
Onyń sózine qaraǵanda, sot sheshimine qanaǵattanbaǵan jaýapkerler Joǵarǵy sotqa júgingen. Alaıda Joǵarǵy sottyń sot alqasy is materıaldaryn qarap, sheshimniń zańdy túrde qabyldanǵanyn kórsetti.
