Joǵarǵy Sot keıbir isterdi qaraý quzyretin memlekettik organdarǵa júktemek
Joǵarǵy Sot tóraǵasy Qaırat Mámı alqa otyrysy barysynda, sotqa júkteletin aýyrtpalyqty azaıtý boıynsha QR Prezıdentiniń Sýdıalar sezinde bergen tapsyrmasyn oryndaý mańyzdy baǵyt ekendigin atap ótti.
Onyń málimetteri boıynsha, sotqa túsken aryz-shaǵymdar men isterdiń sany 2016 jyly qaıta ósip, 1 mln. 160 myńdy qurady. Sońǵy bes jylda azamattyq isterdiń sany 200 myńǵa artyp otyr. Taldaý kórsetkendeı, olardyń úshten biri nemese 105 myńnan astamy salyqtyq qaryzdy, kedendik jáne kommýnaldyq tólemderdi óndirip alýǵa qatysty.
"Almatynyń ózinde bul ister 39 myńǵa artqan. Osy oraıda, Talǵat Sovetbekuly (Donaqov, Prezıdent Ákimshiligi basshysynyń orynbasary - red.), Qazaqstannyń Joǵarǵy Soty Quqyqtyq saıasat keńesinde tıisti quzyrdy memlekettik organdar, notarıýstar men medıatorlarǵa berý týraly usynys jasady. Bul Memleket basshysynyń tapsyrmasyn oryndaýǵa jáne sottardyń nazaryn kúrdeli sanattaǵy isterge kóbirek aýdarýǵa múmkindik ashady", - dep atap ótti ol.
