Joǵarǵy Sot Qazaqstanda kásipkerlik qyzmetpen aınalysatyn ınvestor múddesin qorǵady
Joǵarǵy Sot atalǵan daýdy qarap, «Jaıyqmunaı» JShS-nyń ótinishin qanaǵattandyryp, korporatıvtik tabys salyǵynyń somasy men ósimaqyny artyq esepteýi boıynsha salyq tekserisiniń nátıjesi týraly eskertýdi zańsyz dep tanyp, onyń kúshin joıdy.
Daýdyń mánisi mynadaı. «Jaıyqmunaı» JShS Batys Qazaqstan oblysyndaǵy Chınarevsk munaıgazkondensat shyǵatyn jerde 1997 jylǵy 31 qazandaǵy Qosymsha barlaý, óndirý jáne kómirsýtek shıkizatyn bólýdi júrgizýge kelisimshart negizinde kómirsýtek shıkizatyn óndirý jáne barlaý boıynsha qyzmetin júzege asyrady. Kelisimshartqa Qazaqstan Respýblıkasynyń ınvestıtsııalar jónindegi memlekettik komıteti qol qoıǵan.
Salyq tekserisin júrgizý nátıjesi boıynsha Departament «Jaıyqmunaı» JShS-niń atyna 2009-2011 jyldar kezeńine 1 211 983 835 teńge kóleminde korporatıvtik tabys salyǵy men 153 959 190 teńge kóleminde ósimaqy somasyn qosymsha esepteý týraly eskertý shyǵardy. Salyq somasyn qosymsha esepteýge salyq tóleýshi 4 039 946 119 teńge jalpy somasynan jeke qurylysy boıynsha shyǵyndaryn zańsyz jyldyq kiris jıyntyǵynan ustap qalýǵa jatqyzǵany negiz boldy. Departamenttiń málimetinshe, Kelisimsharttyń shartynda mundaı quqyq qarastyrylmaǵan.
Degenmen, Joǵarǵy Sottyń sot otyrysynda Kelisimshart pen Zań kúshi bar Qazaqstan Respýblıkasy Prezıdenti Jarlyǵynyń 20-babynyń 10-tarmaǵynyń erejeleri 1995 jylǵy 24 sáýirdegi №2235 «Salyq jáne bıýdjetke tólenetin basqa da mindetti tólemder týraly» Kelisimsharttyń kúshine engen kezinde áreket etken redaktsııasynda ınvestorǵa jeke qurylysyn yntalandyrý jáne óndiristik qýattylyǵyn jańartý maqsatynda ınvestıtsııalyq jeńildik retinde jeke qurylysy boıynsha shyǵyndardy shegerýge jatqyzý quqyǵy berilgen.
Atalǵan isti qaraý nátıjesi boıynsha Joǵarǵy Sot Qarjy mınıstrliginiń Memlekettik kirister komıtetiniń tóraǵasynyń atyna Batys Qazaqstan oblysy boıynsha Memlekettik kirister departamenti júrgizgen salyq tekserisi kezinde zańnama normalaryn óreskel buzýǵa jol bergeni týraly jeke uıǵarym shyǵardy. Sonymen qatar, shaǵym túsken eskertýdi shyǵarý úshin negiz bolyp tabylǵan salyq tekserisiniń aktisi Qazaqstan Respýblıkasy Salyq kodeksiniń 637-babynyń 1-tarmaǵynyń 10) tarmaqshasynyń talaptaryna sáıkes kelmeıtindigi kórsetilgen.
Sot aktileri zańdy kúshine endi.
Eske sala keteıik, Joǵarǵy Sottyń mamandandyrylǵan sot alqasy «100 naqty qadam - barshaǵa arnalǵan qazirgi zamanǵy memleket» Ult josparyn praktıkalyq turǵyda iske asyrý sheńberinde 2016 jylǵy 1 qańtardan bastap jumys jasaı bastady. Onyń quzyretine birinshi saty tártibi boıynsha iri ınvestorlardyń qatysýymen bolatyn daýlardy qaraý jatady. Mamandandyrylǵan alqa atalǵan sanattaǵy ister boıynsha sot praktıkasyn jaqsartyp, sondaı-aq olardyń barynsha shuǵyl jáne sapaly qaralýyn qamtamasyz etýi tıis.
