Joǵarǵy Sot Qaırat Jamalıevtiń jazasynyń qysqartylýyn túsindirdi
ASTANA. QazAqparat - 2015 jyly 13 jylǵa sottalǵan kásipker Qaırat Jamalıevke jazany óteý merzimi qysqartyldy. Bul týraly «QazAqparat» HAA-nyń joldaǵan saýalyna Joǵarǵy Sottan málim etti.
«Kassatsııalyq ınstantsııa sottalýshynyń ótinishi boıynsha, zardap shegýshiniń (Álibı Jumaǵulov) pikirin eskere otyryp, sottalýshy Qaırat Jamalıevtiń áreketin QR QK 194-babynyń 4-bóligi 2-tarmaqshasynan (Adamdardyń tobymen kúsh qoldana otyryp bopsalaý) QR QK 194-baby 3-bóligi 2-tarmaqshasyna (Іri kólemde múlikke ıe bolý maqsatymen bopsalaý) aýystyrdy», - delingen Joǵarǵy Sottyń jaýabynda.
QR QK 194-baby 3-bóligi 2-tarmaqshasy múlkin tárkileı otyryp, bes jyldan on jylǵa deıin bas bostandyǵynan aıyrýdy qarastyrady.
«Qaırat Jamalıevke ortasha qaýipsizdiktegi qylmystyq-atqarý júıesi mekemesinde 7 jylǵa bas bostandyǵynan aıyrý jazasy taǵaıyndaldy. Qalǵan bólimderde shyǵarylǵan sot aktileri ózgerissiz qaldyryldy. Protsessýaldy zańnamanyń talaptaryna sáıkes, qylmystyq is jabyq sot otyrysynda qaraldy», - dep túsindirdi Joǵarǵy Sotta.
Vedomstvodan atap ótkendeı, keıbir BAQ-tarda Q.Jamalıevtiń merziminen buryn shartty túrde bosatylýy múmkindigi týraly jarııalanǵan aqparat esh negizsiz jáne boljam ǵana bolyp tabylady.
