Joǵarǵy Sot «Qalalyq elektr jelileri» men «Astanaenergosbyt» arasyndaǵy daý boıynsha sot aktileriniń kúshin joıý týraly Bas Prokýrordyń narazylyǵyn qanaǵattandyrdy

dep habarlady QR Bas prokýratýrasynyń baspasóz qyzmeti.

Joǵarǵy sot satysy basqa adamdar tutynǵan elektr energııasynyń qunyn tutynýshylardyń esebine qosýdy kózdeıtin «Qalalyq elektr jelileri» AQ áreketterin naqty zańdastyryp bergen kúshine engizilgen sot sheshimderiniń zańsyz ekendigi týraly narazylyqtaǵy dáıekterge qoldaý kórsetti. Bul olardyń kóppáterli turǵyn úı qory boıynsha bergen jáne bólgen elektr energııasynyń naqty kólemin balanstyq tıesili shekarada ornalastyrylǵan transformatorlardaǵy emes, kommertsııalyq esepke alý aspaptary boıynsha esepteý nátıjesinde týyndady. Sonyń nátıjesinde «Qalalyq elektr jelileri» AQ usynǵan derekter boıynsha elektr energııasynyń kólemi men «Astanaenergosbyt» JShS arasynda bolmaýy tıis aıyrmashylyq paıda bolǵan. Al bul, kóppáterli úı turǵyndarynyń ózderi naqty tutynbaǵan elektr energııasynyń artyq kólemin tólep otyrǵandaryn bildiredi.

Sonymen birge, qadaǵalaý alqasy daýdy durys sheshý úshin saraptama júrgizýdi qajet dep tapqandyqtan, Joǵarǵy Sot isti qaıta qaraýǵa jiberdi. Qaralyp otyrǵan daýdyń áleýmettik jaǵynan ótkirligin eskere otyryp, prokýratýra organdary aldaǵy ýaqytta da osy is boıynsha ózderine Konstıtýtsııamen júktelgen qadaǵalaý fýnktsııalaryn júzege asyra beretin bolady.