Joǵarǵy sot ǵımaratynyń aldynda er adam ózin órtemek boldy
NUR-SULTAN. QazAqparat – Nur-Sultan qalasynda QR Joǵarǵy soty ǵımaratynyń aldynda óz-ózin órtemek bolǵan er adam 5 táýlikke qamaýǵa alyndy, dep habarlaıdy QazAqparat elorda sotynyń resmı saıtyna silteme jasap.
«Bıylǵy 20 shildede azamat M. QR Joǵarǵy soty ǵımaratynyń aldynda ústine benzın quıyp, ózin-ózi órteýge oqtalǵan.
Oǵan qatysty «Usaq buzaqylyq» (ÁQBtK-niń 434-babynyń 1-bóligi) baby boıynsha ákimshilik is qozǵaldy.
M.-niń túsiniktemesi boıynsha ol Túrkistan oblysynyń birinshi satyly sotynda búgingi kúni qaralyp jatqan qylmystyq is boıynsha jábirlenýshiniń aǵasy bolyp tabylady», - delingen habarlamada.
Ákimshilik quqyq buzýshylyqtar jónindegi mamandandyrylǵan aýdanaralyq sot atalǵan azamatty kináli dep tanyp, 5 táýlikke ákimshilik qamaýǵa aldy.
«Sot jazany qoǵamǵa teris áser etetin jáne qoǵamǵa qurmettemeýshilik bildirýge baǵyttalǵan qasaqana árekettiń dárejesi men sıpatyn eskere otyryp taǵaıyndady», - dep túsindiredi sottan.
Qaýly zańdy kúshine engen joq.
