Joǵarǵy sot Evgenıı Jovtıstiń isine qarasty Balqash aýdandyq sotynyń sheshimin ózgerissiz qaldyrdy

dep habarlaıdy QazAqparat.

Esterińizge sala keteıik, Balqash aýdandyq soty 2009 jyldyń qyrkúıek aıynyń 3-inde Qazaqstan Respýblıkasynyń Qylmystyq Kodeksiniń 296-shy babynyń 2-shi bólimi boıynsha Evgenıı Jovtısti kináli dep tapqan. Atalmysh bap kólik basqaryp kele jatqan adamnyń jolda júrý erejesin buzyp, nátıjesinde adam ólgende kináli azamattyń jaýapkershiligin qarastyrady. Al sot kináli dep taýyp otyrǵan E.Jovtıs óziniń djıpimen kele jatyp joldyń boıynda qarsy kele jatqan azamatty qaǵyp ketip, zardap shekken azamat oqıǵa saldarynan alǵan dene jaraqattarynyń nátıjesinde mert bolǵan. Atalmysh áreketke júrgizilgen tekserý saraptaý jumystary E.Jovtıstiń 80 shaqyrym jyldamdyqpen kele jatqandyǵyn jáne onyń oqıǵa bolardyń aldynda tejegishti baspaǵandyǵyn kórsetip otyr. Óıtkeni kólik azamatty soqqannan keıin de aıtarlyqtaı jer júrip ótken. Kólikpen kele jatyp adam qaǵyp ketkendigin E.Jovtıstiń ózi de moıyndaǵan. Osyǵan baılanysty Balqash aýdandyq soty Evgenıı Jovtısti kináli dep taýyp, 4 jylǵa bas bostandyǵynan aıyrǵan.

Búgin Joǵarǵy sotta osy is boıynsha E.Jovtıstiń advokaty Vıtalıı Voronovtyń qoldaýhaty qaraldy. Joǵarǵy sot Almaty oblysynyń Balqash aýdandyq sotynyń sheshimin ózgerissiz qaldyrdy. «Evgenıı Jovtıs advokaty jazǵan qoldaýhatty Joǵarǵy sotqa nemese Bas prokýratýraǵa ózi de jaza alady jáne ol óziniń kózqarasyn bildirýge quqyly», dedi Joǵarǵy sottyń sýdıasy Aqyltaı Qasymov.