Joǵarǵy sot aýdandyq, qalalyq jáne olarǵa teńestirilgen sot tóraǵalarynyń laýazymdy qyzmetin atqarý merzimin 3 jylǵa deıin qysqartýdy usynady

Bul týraly búgin Úkimet maquldaǵan «Qazaqstan Respýblıkasynyń sot júıesi men sýdıalarynyń mártebesi týraly» QR-nyń Konstıtýtsııalyq zańyna ózgerister men tolyqtyrýlar engizý týraly» QR Konstıtýtsııalyq zańynyń jobasyn tanystyrǵan QR Joǵarǵy sotynyń tóraǵasy Bektas Beknazarov málim etti.

«Oblystyq sottarda apellıatsııalyq sot alqasyn qurý qajet. Naqtylaı tússek, apellıatsııalyq sot alqasy azamattyq, ákimshilik jáne qylmystyq ister boıynsha alqalarǵa bólinedi. Osylaısha mamandandyrýdy odan ári tereńdetý jelisi jalǵasatyn bolady», - dep atap ótken onyń paıymynsha, kassatsııalyq sot alqasyna oblystyq sottardyń tóraǵalary basshylyq jasaýy qajet.

Qazirgi ýaqytta bundaı tájirıbeniń joq ekendigin basa aıtqan ol: «Oblystyq sottardyń tóraǵalary sot isin qaraýdan bólektengen jáne olar is júzinde sharýashylyq-qurylys, kadr, qamtamasyz etý syndy máselermen aınalysýda. Degenmen oblystyq sot tóraǵalary sýdıa bolyp tabylady jáne ózderiniń qyzmetterin atqarýǵa mindetti», - dedi.

B.Beknazarovtyń atap ótýinshe, aǵymdaǵy jyldyń tek 5 aıynda ǵana Joǵarǵy sot aýdandyq jáne odan tómen turatyn sottardyń 158 sot aktisin qarastyrǵan. Bul oraıda 57 mlrd. teńge somasyna memlekettikńmúddesi qorǵalǵan.

Sonymen qatar Joǵarǵy sot tóraǵasy tanystyrǵan zań jobasynda aýdandyq, qalalyq jáne olarǵa teńestirilgen sot tóraǵalarynyń laýazymdy qyzmetin atqarý merzimin 3 jylǵa deıin qysqartý kózdelgen. «Qazirgi ýaqytta bul merzim 5 jylǵa deıin», - dedi ol.