Joǵarǵy sot apostıl qoıýǵa qujattardy berý protsesin avtomattandyrady

ASTANA. QazAqparat - QR Joǵarǵy soty apostıl qoıýǵa qujattardy berý protsesin avtomattandyrady, dep habarlaıdy QazAqparat.

Joǵarǵy sot baspasóz qyzmetiniń málimetinshe, ppostıl qoıýǵa ótinishti qabyldaý «Elektrondyq úkimet» veb-portaly egov.kz arqyly júzege asyrylatyn bolady.

«Memlekettik kórsetiletin qyzmetter tizilimine engizilgen túzetýlerge sáıkes «Sot organdarynan shyǵatyn resmı qujattarǵa apostıl qoıý» memlekettik kórsetiletin qyzmetin sonymen birge elektrondyq nysanda kórsetý qarastyrylǵan.

Osyǵan baılanysty memlekettik kórsetiletin qyzmet Standartyna tıisti túzetýler ázirlenip, múddeli memlekettik organdarǵa kelisýge usynyldy», delingen habarlamada.

Aıta keterligi, standart jobasy jarııa talqylaý úshin ashyq normatıvtik quqyqtyq aktilerdiń ınternet-portalynda ornalastyrylǵan.