Joǵarǵy Rada zeınetke shyǵý jasyn kóterdi - Ýkraına
ASTANA. 8 shilde. QazAqparat - Ýkraına Joǵarǵy Radasy eldiń zeınetaqy júıesine reforma jasaý týraly zań jobasyn qabyldady. RBK agenttiginiń habarlaýynsha, el úkimeti ázirlegen bul zań jobasyn 248 halyq qalaýlysy qoldap, daýys berdi.
Ýkraınadaǵy zeınet reformasy týraly zańda, atap aıtqanda, áıelder úshin zeınet jasyn - 55 jastan 60 jasqa deıin kóterý qarastyrylǵan. Oǵan qosa, memlekettik qyzmette isteıtin er azamattardyń zeınetke shyǵý jasyn 60 jastan 62 jasqa deıin kóterý belgilenip otyr.
Aıta ketý kerek, buǵan deıin Lıtva men Latvııa elderi jáne Eýroodaqtyń ekonomıkalyq kóshbasshy elderiniń biri sanalatyn Frantsııa memleketi zeınet jasyn kótergen bolatyn.
