Joǵarǵy lıganyń B tobyndaǵy erler komandalary arasyndaǵy el chempıonatynyń 5-týrynda týrnır kestesiniń kóshbasshylary da jeńilistiń aşy dámin tatýda
ALMATY. 19 sáýir. QazAqparat /Erlik Erjanuly/ - Erteń voleıboldan Tarazda ótip jatqan Joǵarǵy lıganyń B tobyndaǵy erler komandalary arasynda HІH Qazaqstan chempıonatynyń aqtyq týry aıaqtalady.
14 sáýir kúni jalaýyn kótergen bul saıysta buǵan deıingi 4 týrdyń qorytyndysy boıynsha kósh bastap kele jatqan komandalar da jeńilistiń aşy dámin tatty. Máselen semeılikter Qyzylordanyń «Qorqyt ata QMÝ» komandasyna 2:3, al Óskemenniń «Shyǵys-QorǵasynQurylys-2» komandasyna 1:3 ese jiberdi. Al olardy ókshelep kele jatqan óskemendikter úzdik úshtikti túıindep turǵan «Taraz-TarMÝ» komandasyna 2:3 esebimen utyldy.
Alaıda bul olardyń týrnır kestesindegi jaǵdaıyna aıtarlyqtaı yqpal ete almaıdy. Óıtkeni buǵan deıingi týrlarda «Semeı» - 74, «Shyǵys-QorǵasynQurylys-2» - 63, «Taraz-TarMÝ» - 61 upaı jınaǵan bolatyn. Olardy ókshelep kele jatqan ózge komandalardyń úzdik úshtikpen upaı aıyrmasy birshama. Máselen hromtaýlyqtarda ( «TNK Qazhrom-2») - 47, qyzylordalyqtarda («Qorqyt-Ata QMÝ») - 36, temirtaýlyqtarda («VSMK- Arselormıttal») - 35, qostanaılyqtarda ( «KınEÝ») - 11, astanalyqtarda ( «Astana») - 9 upaı bar.
Sondaı-aq kósh sońyndaǵy astanalyqtar qarjy tapshylyǵyna baılanysty aqtyq týrǵa qatysa almaı, barlyq kezdesýde olarǵa 0:3 esebimen jeńilis jazylýda.
