Joǵarǵy lıganyń B tobyndaǵy aqtyq týrda qyzylordalyq voleıbolshylar asa tartysty oıyn órnegin kórsetýde
ALMATY. 19 sáýir. QazAqparat /Erlik Erjanuly/ - Búgin Tarazda voleıboldan Joǵarǵy lıganyń B tobyndaǵy erler komandalary arasynda HІH Qazaqstan chempıonatynyń aqtyq týry ótip jatyr.
Qyzylordalyq «Qorqyt ATA QMÝ» búgingi oıynda alań qojaıyndary - «Taraz-TarMÝ» komandasyn uta alsa, úzdik úshtikti tizerletken jalǵyz áýe dopshylar bolmaq. Bul týrnır kestesindegi jalpy ahýalǵa ózgeris engize almaǵanmen, el chempıonatyndaǵy eń tartysty ótken týry bop qalmaq. Olar bul kezeńde ótken 4 týrda 47 upaımen týrnır kestesinde ózderinen bir saty joǵary turǵan hromtaýlyqtarǵa ǵana («TNK Qazhrom-2») 1:3 esebimen utyldy. Onda «Semeı» - 74, «Shyǵys-QorǵasynQurylys-2» (Óskemen) - 63, «Taraz-TarMÝ» - 61, «TNK Qazhrom-2» - 47, «Qorqyt-Ata QMÝ» - 36, «VSMK-Arselormıttal» (Temirtaý) - 35, «KInEÝ» (Qostanaı) - 11, «Astana» - 9 upaı jınaǵan bolatyn.
Semeılikter bul joly qyzylordalyqtar ( 2:3) men óskemendikterge» (1:3) ese jiberdi. Óskemendikter qyzylordalyqtar (2:3) men tarazdyqtardan (2:3) aılasyn asyra almady. Tarazdyqtar hromtaýlyqtar men semeılikterge 1:3 esebimen utyldy. Hromtaýlyqtar bolsa, óskemendikter (0:3) men semeılikterden (1:3) oısyraı jeńildi.
