Joǵarǵy lıganyń A tobyndaǵy erler komandalary arasyndaǵy aqtyq týr Oralda ótedi

Aqyrǵy týr «Ushqyn-Iskra» men «Atyraý-2», «OQMÝ-Qazyǵurt» pen «AOSK-Almaty», «Ertis AO AQ» men «Esil-Vıktorııa», «Jaıyq-Kondensat» pen «QazUAÝ» arasyndaǵy oıyndarmen bastalǵaly otyr. Qazir týrnır kestesinde 4 týrdyń qorytyndysy boıynsha 71 upaımen Shymkenttiń «OQMÝ-Qazyǵurt» komandasy kósh bastaýda. Bul joly jarys qojaıyndarynyń «Jaıyq-Kondensaty» (58 upaı) óz ornyn saqtap qalýdy aldyna basty etip qoımaq. Óıtkeni oraldyqtardy ókshelep kele jatqan Astananyń «Ushqyn-Iskrasynyń» qorjynynda 57 upaı bar. Odan keıingi oryndardy Pavlodardyń «Ertis-AO AQ» (52 upaı), Qyzyljardyń «Esil-Vıktorııa» (47 upaı), Atyraýdyń «Atyraý-2» (18 upaı) jáne Almatynyń «QazUAÝ» (17 upaı) men «AOSK-Almaty» (16 upaı) komandalary kele jatyr.