Joǵarǵy lıganyń «A» tobyndaǵy áıelder komandalary arasynda el chempıonatynyń 2-shi týrynda óskemendikter óz alańynda kósh bastaýda
ALMATY. 17 jeltoqsan. QazAqparat - Óskemende voleıboldan Joǵarǵy lıganyń «A» tobyndaǵy áıelder komandalary arasynda el chempıonatynyń 2-shi týry ótip jatyr.
Alǵashqy 3 kezdesýdiń qorytyndysy boıynsha qazir alań qojaıyndary («Shyǵys-QorǵasynQurylys») 22 upaımen kósh bastap keledi. Úzdik úshtikti «Qostanaı» (19 upaı) men «Gratsııa-Astana KZ» (14 upaı) komandalary túıindeýde. Al Temirtaýdyń «Spartak AMT» (9 upaı), Pavlodardyń «Ertis-Qazhrom» (5 upaı) men «Qaraǵandy-2» (3 upaı) týrnır kestesiniń ekinshi jartysynda kele jatyr.
Búgin endi «Gratsııa-Astana KZ» pen «Spartak AMT», «Ertis-Qazhrom» men «Qaraǵandy-2», «Shyǵys-QorǵasynQurylys» pen «Qostanaı» ózara kúsh synasady. Al erteń aqtyq oıynda qostanaılyqtar astanalyqtarmen, temirtaýlyqtar pavlodarlyqtarmen, qaraǵandylyqtar óskemendiktermen kezdesetin bolady.
