Joǵarǵy lıganyń «A» tobynda Shymkent pen Almaty voleıbolshylary el chempıonatynda kósh bastap kele jatyr
ALMATY. 27 jeltoqsan. QazAqparat - Voleıboldan Joǵarǵy lıganyń «A» tobyndaǵy erler komandalary arasynda el chempıonatynyń 19-26 jeltoqsan kúnderi Temirtaýda ótken 2-shi týrynda jeńilissiz kele jatqan «Ushqyn-QazUAÝ» (Almaty) jeńilistiń aşy dámin tatty.
Alǵashqy týrdaǵy esesin qaıtarǵan shymkenttikter («Dınamo-Qazyǵurt») olardy qýyp jetip qana qoımaı, upaı koeffıtsıentimen basyp ozdy. Qazir eki komandanyń da qorjynynda 38 upaı bar. 2 týrda da olarǵa ese jibergen óskemendikter «Shyǵys-QorǵasynQurylys-2» 30 upaımen úzdik úshtikti túıindeýde. Odan keıingi oryndardy 23 upaımen «Ertis AQ AO» (Pavlodar), 11 upaımen Esil-Vıktorııa» (Qyzyljar), 10 upaımen «Semeı», 9 upaımen «VSMK ArselorMıttal» (Temirtaý) men «Jaıyq-Kondensat» (Oral) ózara bólisýde.
Bul týrda shymkenttikte múmkin bolǵan eń joǵarǵy 21 upaıǵa tolyq ıe boldy. Olarǵa 3 upaı berip qoıǵan almatylyqtar qorjynyna -18, al óskemendikter - 15, pavlodarlyqtar - 12, temirtaýlyqtar - 9, qyzyljarlyqtar - 4, semeılikter - 3, oraldyqtar - 2 upaı qosty. El chempıonaty endi 19-27 aqpanda Qyzyljarda óz jalǵasyn tappaq.
