Joǵarǵy Sottyń jańa sýdıasy saılandy
ASTANA. KAZINFORM – Búgin Quryltaıdyń jalpy otyrysynda QR Joǵarǵy Sotynyń sýdıasy saılandy.
Konstıtýtsııanyń 56-babynyń 10-tarmaqshasyna sáıkes, Quryltaı QR Prezıdentiniń usynýymen Jorǵarǵy Sottyń sýdıalaryn saılaıdy.
- Quryltaı qaraýyna Joǵarǵy Sot sýdıasy laýazymyna Asan Eskendirovti saılaý týraly Memleket basshysynyń usynymy engizildi. Asan Qaırýllauly 30 jyldan astam ýaqyt boıy barlyq sot ınstantsııalarynda qyzmet etti...Osy oraıda bul usynymdy qoldaýlaryńyzdy suraımyn, - dedi QR Joǵary Sot Keńesiniń tóraǵasy Dmıtrıı Malahov.
Jalpy otyrys barysynda depýtattar sýdıany saılaýǵa qoldaý bildirdi.
Asan Eskendirov 1971 jyly dúnıege kelgen. Ol Býketov atyndaǵy Qaraǵandy memlekettik ýnıversıtetin (1996) támamdaǵan.
A.Qaırýllauly eńbek jolyn Kókshetaý oblysy Іshki ister departamentiniń EKO sarapshysy bolyp bastady (1991-1994).
- Kókshetaý oblysy Ádilet departamentiniń keńesshisi, jetekshi mamany, bas mamany qyzmetterin atqarǵan (1994-1996);
- Kókshetaý qalalyq sotynyń sýdıasy (1996-1998);
- Astana qalasy Almaty aýdandyq sotynyń sýdıasy (1998-1999);
- Aqmola oblystyq sotynyń sýdıasy (1999-2002);
- Aqmola oblysynyń Mamandandyrylǵan aýdanaralyq ekonomıkalyq sotynyń tóraǵasy (2002-2008);
- Pavlodar oblysynyń mamandandyrylǵan aýdanaralyq ekonomıkalyq sotynyń tóraǵasy (2008-2012);
- Aqmola oblystyq sotynyń azamattyq jáne ákimshilik ister jónindegi apellıatsııalyq sot alqasynyń tóraǵasy (02.07.2012-18.12.2015).
Sonymen qatar, 2016 jyldan bastap jeti jyl Qazaqstan Respýblıkasy Joǵarǵy Sotynyń sýdıasy boldy. Al 2022 jyly jeltoqsanda QR Konstıtýtsııalyq Sotynyń sýdıasy qyzmetine taǵaıyndaldy.
Eske salsaq, bıyl qazan aıynda Joǵarǵy Sottyń 6 sýdıasy qyzmetinen bosatyldy.