Joǵarǵy sottyń úsh sýdıasy otstavkaǵa ketti
ASTANA. KAZINFORM – Senattyń jalpy otyrysynda Memleket basshysynyń usynysymen Joǵarǵy sot sýdıalary Ǵabıt Áljanov, Roza Jaqýdına jáne Tynyshtyq Moldahmetova qyzmetinen bosatyldy.
Joǵary sot keńesiniń tóraǵasy Dmıtrıı Malahovtyń aıtýynsha, sýdıalar ádil sot júıesin damytý isine aıtarlyqtaı úles qosqan.
– Memleket basshysy Joǵarǵy sottyń atalǵan sýdıalaryn otstavkaǵa jiberý jóninde usynys engizdi. Ǵabıt Ómirhanovıch, Roza Qaırollaqyzy jáne Tynyshtyq Ámirqyzy shamamen 30 jyl boıy sot júıesinde qyzmet etip, minsiz bedelimen jáne joǵary kásibı biliktiligimen tanylǵan. Olar sot tóreligine adal qyzmet etip, salanyń damýyna eleýli úles qosty, – dedi D.Malahov.
Depýtattar usynysty biraýyzdan qoldady.
Buǵan deıin Senat Berik Nájimıdenovti basqa qyzmetke taǵaıyndalýyna baılanysty Joǵarǵy sot sýdıasy qyzmetinen bosatqan bolatyn.