Joǵarǵy sottyń taǵy bir sýdıasy qyzmetinen bosatyldy
ASTANA. KAZINFORM — Búgin Senattyń jalpy otyrysynda QR Joǵarǵy sottyń sýdıasy qyzmetinen bosatyldy.
— Qazaqstan Prezıdentiniń usynýy negizinde jáne Konstıtýtsııanyń 55-babynyń 1-tarmaqshasyna, «QR Sot júıesi men sýdıalarynyń márbesi týraly» Konstıtýtsııalyq zańyna sáıkes, Parlament Senatyna Erlan Qosmuratovty basqa laýazymǵa taǵaıyndalýyna baılanysty Joǵarǵy sotynyń sýdıasy qyzmetinen bosatý usynyldy, — dedi Parlament Senatynyń Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy Nurlan Beknazarov.
Senatorlar bul usynysqa qoldaý bildirip daýys berdi.
Atap aıtqanda, naýryz aıynyń basynda Erlan Qosmuratov Jambyl oblystyq sotynyń tóraǵasy bolyp taǵaıyndaldy.
Budan buryn habarlanǵandaı, jaqynda Senat QR Joǵarǵy sotynyń úsh sýdıasy qyzmetinen bosatqan edi.
